Programmer အသစ်ဆိုတာ မဝေးတော့တဲ့အနာဂတ်မှာ လိုနိုင်ပါဦးမလား??
--------------------------------------------
Google ကုမ္ပဏီအတွက် လိုအပ်တဲ့ Code စုစုပေါင်းရဲ့ 25% လောက်ကို AI နဲ့ပဲ ရေးတော့တယ်လို့ Alphabet စီအီးအို Sundar Pichai က ဆိုလာတာပါ။

AI ကို အသုံးပြုပြီး Code ရေးတယ်ဆိုတာ အထူးအဆန်းတော့ မဟုတ်ပါဘူး။ Progammers တွေနဲ့ ကျောင်းသားတွေ တော်တော်များများလည်း AI သုံးပြီး code တွေရေးနေကြတာပါပဲ။ ဒါပေမယ့် ထိပ်တန်း Tech Giant လို့ခေါ်ရမယ့် Google လို ကုမ္ပဏီကြီးမှာတောင် AI ကို code ရေးဖို့အတွက် ယုံကြည်စိတ်ချစွာ သုံးလာနေပြီဆိုရင်တော့ Programming ပိုင်းမှာ AI က ဘယ်လောက်ထိပေါက်ရောက်နေပြီလဲဆိုတာ သိသာထင်ရှားနေပါပြီ။

Google အနေနဲ့ code ရေးဖို့အတွက် AI ချည်းပဲ လွှတ်ထားတာတော့ မဟုတ်ပါဘူး။ AI ရေးလာသမျှ code တွေကို စီနီယာအင်ဂျင်နီယာတွေနဲ့ စီနီယာ Developers တွေက ပြန်စစ်ကြတာပါ။ "AI က အခုချိန်ထိတော့ လုံးဝလွှတ်ထားလို့တော့ မရသေးပါဘူး။ လူသား Developers တွေရဲ့ ကြီးကြပ်မှုတွေတော့ လိုနေပါသေးတယ်"လို့ စီအီးအို Sundar Pichai က ဆိုထားပါတယ်။ စီနီယာတွေနဲ့ AI တွေ အဓိကအလုပ်လုပ်တော့မယ့် ဒီစျေးကွက်ကြီးမှာတော့ Programmers အသစ်တွေနဲ့ အခုမှ Programmers ဖြစ်ဖို့ လေ့ကျင့်နေတဲ့သူတွေအတွက်တော့ တော်တော်လေးရုန်းကန်ရဖွယ် ရှိနေပါတယ်။

ကျွန်တော်တို့ အားထားသုံးနေတဲ့ Google Search ကိုလည်း AI overview ထည့်ပေးကာ မွမ်းမံထားတာပါ။ AI overview ကတော့ အင်တာနက်ပေါ်မှာရှိသမျှ အချက်အလက်အကုန်လုံးကို ဆွဲယူပြီး ကျွန်တော်တို့ရှာဖွေတဲ့ခေါင်းစဥ်နဲ့အကိုက်ညီဆုံး အဖြေကို ထုတ်ပေးတာပါ။ လူတော်တော်များများရဲ့ devices တွေမှာလည်း ရရှိနေပြီး ဖြစ်ပါတယ်။

Alphabet ကုမ္ပဏီကတော့ ဒီနှစ်အတွင်း ငွေရေးကြေးရေးပိုင်းမှာ တော်တော်လေး အပေါင်းဖက်ကို ပြနေတာပါ။ AI ဝန်ဆောင်မှုတွေနဲ့ Youtube ad ပိုင်းတွေမှာ ဝင်ငွေကောင်းခဲ့တာကြောင့် အရင်နှစ်ထက်စာရင် 15% လောက်အထိ ဒီနှစ်အတွင်း ဝင်ငွေတိုးမြင့်ခဲ့တာပါ။ Google Services ပိုင်းတွေမှာလည်း 28% အထိ ဝင်ငွေတိုးမြင့်ခဲ့သလို Google Cloud မှာတော့ ဝင်ငွေ 1.94 ဘီလီယံအထိ (အရင်နှစ်ကထက် 7 ဆကျော် ပိုတိုးလာတဲ့အထိ) ကို ဒီနှစ်အတွင်း တိုးတက်အောင်မြင်လာတာ ဖြစ်ကြောင်းပါဗျာ