ပဲရစ်မာစတာ ၁၆ ဦးအဆင့် ဗီရက်ဗ် တက်ရောက်ခဲ့
---------------------
ပဲရစ်မာစတာတင်းနစ် အမျိုးသားတစ်ဦးချင်းပြိုင်ပွဲမှာ ဆီဒင်အဆင့်-၃ ရထားတဲ့ ဂျာမနီတင်းနစ်သမား ဗီရက်ဗ်ဟာ ၁၆ ဦးအဆင့်ကို တက်သွားခဲ့ပါတယ်။ အောက်တိုဘာ ၃၀ ရက်နေ့က ကစားခဲ့တဲ့ ၃၂ ဦးအဆင့်မှာ ဗီရက်ဗ်ဟာ နယ်သာလန်နိုင်ငံသား ဂရီးစ်ပေါ်နဲ့ ဆုံတွေ့ခဲ့တာဖြစ်ပြီး ပထမပွဲလတ်က အကြိတ်အနယ်ရှိခဲ့တာပါ။
ပွဲကစားချိန် (၁)နာရီနဲ့ (၃၂)မိနစ်ကြာ ယှဉ်ပြိုင်အပြီးမှာတော့ ဗီရက်ဗ်က (၇း၆၊၆း၃)ဆိုတဲ့ရလဒ်နဲ့ အနိုင်ရခဲ့ပြီး နောက်တစ်ဆင့် ကို တက်ရောက်ခွင့်ရသွားခဲ့တာဖြစ်ပါတယ်။ အခုလိုအနိုင်ရပြီး ၁၆ ဦးအဆင့်ကို တက်ရောက်နိုင်ခဲ့တာကြောင့် အသက် ၂၇ နှစ်အရွယ် ဗီရက်ဗ်ဟာ တင်းနစ်ရာသီတစ်ခုအတွင်း အေတီပီ မာစတာ (၁၀၀၀) အမျိုးအစားပြိုင်ပွဲ ၉ ခုစလုံးမှာ အနိမ့်ဆုံး ၁၆ ဦးအဆင့်ကို တက်ရောက်နိုင်တဲ့ ပထမဆုံးတင်းနစ်သမားအဖြစ်လည်း မှတ်တမ်းဝင်ခဲ့ ပါတယ်။
ဗီရက်ဗ်ဟာ ပြီးခဲ့တဲ့မေလကမှ ကစားသမားဘဝ ၆ ခုမြောက် အေတီပီမာစတာချန်ပီယံဆုအဖြစ် ရောမ အိုးပင်းချန်ပီယံဆုကို ရယူထားနိုင်ခဲ့တာဖြစ်ပါတယ်။ ၁၆ ဦးအဆင့်မှာတော့ ဗီရက်ဗ်ဟာ ဇူလိုင်လတုန်းက ယှဉ်ပြိုင်ခဲ့တဲ့ ဟမ်းဘတ်အိုးပင်းပြိုင်ပွဲမှာ ရှုံးနိမ့်ထားခဲ့ဖူးတဲ့ ပြင်သစ်တင်းနစ်သမား အာသာဖေးစ်နဲ့ ဆက်လက် ရင်ဆိုင်ရမှာ ဖြစ်ပါတယ်။
