"ကညွတ် ဝက် နှင့် ကော်ရည် အစပ်ကြော် "

***...ကညွတ် ဝက် နှင့် ကော်ရည် အစပ်ကြော်အတွက် လိုအပ်တာလေးတွေ…

1. ဆီ – ထမင်းစားဇွန်း ၂ ဇွန်း
2. တောက်တောက်စင်း (သို့) ထောင်းထားသော ကြက်သွန်ဖြူ – ထမင်းစားဇွန်း ၁ ဇွန်းခန့်
3. တောက်တောက်စင်း (သို့) ထောင်းထားသော ငရုတ်သီးစိမ်း – ထမင်းစားဇွန်း တစ်ဝက်ခန့်
4. ငရုတ်သီးခြောက် အကြမ်းမှုန့်ကြော် ဆီချက်မှ ဆီ – ထမင်းစားဇွန်း ၂ ဇွန်း
5. ငရုတ်သီးခြောက် အကြမ်းမှုန့်ကြော် ဆီချက်မှ ငရုတ်သီးဖတ် – ထမင်းစားဇွန်း တစ်ဝက်ခန့်
6. ဝက်ကြိတ်သား (pork mince) – 1/2 cup (125 ml)
7. ကော်ရည်
8. မာသည့်အပိုင်းဖြတ်ထုတ်ပစ်ပြီး အနည်းငယ်ကြေအောင် ခပ်ဖွဖွထုကာ ၂ လက်မအရှည်ခန့် လှီးထားသော ကညွတ် – ၁၃ ချောင်းခန့်

***...ကော်ရည် အတွက်လိုအပ်တာလေးတွေ…

1. ပဲငံပြာရည် အကျဲ (light/ thin soy sauce) – 1/4 cup (60 ml)
2. ရေ – 1/4 cup (60 ml)
3. ခရုဆီ (oyster sauce) – 1/4 cup (60 ml)
4. ပဲငံပြာရည် အပျစ် (sweet/ dark soy sauce) – ထမင်းစားဇွန်း ၁ ဇွန်း
5. သံပုရာရည် – ထမင်းစားဇွန်း တစ်ဝက်
6. ဟင်းချက်အရက်/ဝိုင် (cooking wine) – ထမင်းစားဇွန်း တစ်ဝက်
7. ကော်မှုန့် (potato starch/corn starch) – လက်ဖက်ရည်ဇွန်း ၂ ဇွန်း
8. သကြား – လက်ဖက်ရည်ဇွန်း ၁ ဇွန်း

အားလုံးရောကာ ကော်မှုန့်ကို အတုံးအခဲများမကျန်အောင် ဖျော်လိုက်လျှင် လိုအပ်သော ကော်ရည် ကို ရပါပြီ။

ဆီ၊ ကြက်သွန်ဖြူ၊ ငရုတ်သီးစိမ်း၊ ဆီချက်မှ ဆီ၊ ဆီချက်မှ ငရုတ်သီးဖတ် နှင့် ဝက်ကြိတ်သားတို့ကို high heat ဖြင့် အသားအနည်းငယ်ကျက်ယုံ မွှေကြော်ပေးပါ။

ပြီးလျှင် ကော်ရည်ထည့်ပြီး ၅ မိနစ်ခန့် (အနည်းငယ်ပျစ်လာအောင်) ဆူခိုင်းထားပါ။ (မကြာခဏမွှေပေးပါ။)

ကညွတ်ထည့်ကာ ၃ မိနစ်ခန့် အပေါ်အောက်လှန်မွှေကြော်ပြီးလျှင် ကညွတ် ဝက် နှင့် ကော်ရည် အစပ်ကြော်လေး အရသာရှိစွာ သုံးဆောင်ရန် အသင့်ဖြစ်ပါပြီ။