“ညနေ ၅ နာရီအချိန်အထိ တစ်နေ့တာ ထူးခြားသတင်းများ”

အောက်တိုဘာ ၂၆

၁။ နိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌဒုတိယဗိုလ်ချုပ်မှူးကြီးစိုးဝင်းနှင့် မြန်မာနိုင်ငံဆိုင်ရာတရုတ်ပြည်သူ့သမ္မတနိုင်ငံ သံအမတ်ကြီး H.E. Ms. Ma Jia တို့သည် နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး၊ ဧည့်ခန်းမ၌ အောက်တိုဘာ ၂၅ ရက်နေ့က တွေ့ဆုံဆွေးနွေးခဲ့ကြသည်ဟု နစက ၏ ထုတ်ပြန်ချက်အရသိရသည်။

နယ်စပ်ဒေသ တည်ငြိမ် အေးချမ်းရေးနှင့် ပြည်တွင်းငြိမ်းချမ်းရေးဆိုင်ရာကိစ္စရပ်များ၊ တပ်မတော်နှစ်ရပ် အကြား နည်းပညာ၊ သတင်းအချက်အလက်အပါအဝင် နယ်ပယ်အလိုက် ပူးပေါင်း ဆောင်ရွက်ရေးဆိုင်ရာကိစ္စရပ်များနှင့် စပ်လျဉ်း၍ ရင်းနှီးပွင့်လင်းစွာ အမြင်ချင်းဖလှယ် ဆွေးနွေးခဲ့ကြကြောင်း ထုတ်ပြန်ချက်အရသိရသည်။

၂။ မြန်မာ့နိုင်ငံရေးပါတီသုံးခုမှ တာဝန်ရှိသူများ တရုတ်ကွန်မြူနစ်ပါတီ၏ ဖိတ်ကြားမှုအရ တရုတ်နိုင်ငံသို့ ရောက်ရှိနေကြောင်း သိရသည်။ ယင်းပါတီ သုံးခုမှာ ဒေါ်သက်သက်ခိုင်၏ ပြည်သူ့ရှေ့ဆောင်ပါတီ၊ နစကအကြံပေးအဖွဲ့ခေါင်းဆောင်ဦးစောထွန်းအောင်မြင့်၏ ကရင်ပြည်သူ့ပါတီနှင့် ဦးခင်မောင်ဆွေ၏ အမျိုးသားဒီမိုကရေစီအင်အားစုပါတီတို့ ဖြစ်ကြသည်။

၃။ မြန်မာ့ရေဘေးသင့် ပြည်သူများအတွက် အမေရိကန်ဒေါ်လာသုံးသန်းထပ်မံထောက်ပံ့ကူညီမည်ဟု အမေရိကန်သံရုံးက ထုတ် ပြန်ခဲ့သည်။

၄။ စင်္ကာပူနိုင်ငံမှာ အလည်ပတ် ပတ်စ်ပို့ (PV) အမျိုးအစားနဲ့ အလုပ်လုပ်ကိုင်ပြီး နေထိုင်ခွင့် ကတ်ကိုင်ဆောင်ထားတဲ့ မြန်မာနိုင်ငံသားတွေကို အလုပ် ပတ်စ်ပို့ (PJ) ပြောင်းလဲ လျှောက်ထားနိုင်အောင် ဆောင်ရွက်ပေးသွားမယ်လို့ မြန်မာသံရုံး (စင်္ကာပူမြို့) က ထုတ်ပြန်ထားသည်။

#centralnewsnaypyitaw