သီရိလင်္ကာသမ္မတက ၎င်းနိုင်ငံသားများလွတ်မြောက်ရေး မြန်မာကို အကူအညီတောင်း
ကိုလံဘို၊အောက်တိုဘာ ၂၆
သီရိလင်္ကာနိုင်ငံသမ္မတက မြန်မာနိုင်ငံရှိ ရာဇ၀တ်ဂိုဏ်းများ၌ ဖမ်းဆီးထိန်းသိမ်းခံထားရသော သီရိလင်္ကာနိုင်ငံသားများ လွတ်မြောက်ရေးအတွက် မြန်မာနိုင်ငံ၏အကူအညီကို တောင်းခံခဲ့ကြောင်း သမ္မတ၏ မီဒီယာဌာနခွဲ၏ သတင်းထုတ်ပြန်ချက်အရသိရသည်။
သမ္မတရုံး၌ သီရိလင်္ကာနိုင်ငံဆိုင်ရာ မြန်မာသံအမတ်ကြီး ဒေါ်မာလာသန်းထိုက်နှင့်တွေ့ဆုံစဉ် သမ္မတက ယခုကဲ့သို့ ပန်ကြားခဲ့ခြင်းဖြစ်ကြောင်းလည်းသိရသည်။
သမ္မတနှင့်သံအမတ်ကြီး တို့သည် မြန်မာနိုင်ငံရှိ ဆိုက်ဘာရာဇ၀တ်မှု စခန်းများ၌ အတင်းအကျပ်ဖမ်းဆီးခံထားရသည့် သီရိလင်္ကာနိုင်ငံသားများလွတ်မြောက်ရေးအတွက် အဓိကထားကာ အသေးစိတ်ဆွေးနွေးခဲ့ပြီး လက်ရှိတွင်ဒါဇင်နှင့်ချီသော သီရိလင်္ကာနိုင်ငံသား ကို မြန်မာရာဇ၀တ်ဂိုဏ်းများ၏ စခန်းများတွင် ထိန်းသိမ်းထားကြောင်းလည်းသိရသည်။
သီရိလင်္ကာသမ္မတကလည်း သီရိလင်္ကာ၏လုံခြုံရေး အခြေအနေနှင့်ပတ်သက်၍ မြန်မာသံအမတ်ကြီးကို အကျဉ်းချုံးရှင်းပြပြီး မြန်မာခရီးသွားများနှင့်နေထိုင်သူများဘေးကင်းစေရန်အာမခံကြောင်းလည်းပြောကြားခဲ့သည်။
