ဒဂုံ တောင်နဲ့ မြောက်မှာ ငွေကျပ် ၃ ဒသမ ၉၈ ဘီလီယံတန်ဖိုးရှိတဲ့ စိတ်ကြွရူးသွပ်ဆေးပြားများနဲ့ အတူ (၅)ဦး ဖမ်းဆီးရမိ
အောက်တိုဘာ ၂၅
ရန်ကုန်တိုင်းဒေသကြီးအတွင်း ငွေကျပ် ၃ ဒသမ ၉၈ ဘီလီယံတန်ဖိုးရှိတဲ့ စိတ်ကြွရူးသွပ်ဆေးပြားတွေနဲ့ အတူ (၅)ဦးကို အောက်တိုဘာ (၁၄)ရက်နေ့က ဖမ်းဆီးရမိခဲ့တယ်လို့ CCDAC Myanmar က ယမန့်နေ့ ညပိုင်းက ထုတ်ပြန်ပြောဆိုထားပါတယ်။
မူးယစ် တားဆီးနှိမ်နင်းရေးတပ်ဖွဲ့က ဒဂုံမြို့သစ် (မြောက်ပိုင်း) ၂၉ ရပ်ကွက်မှာ FIELDER အမျိုးစား မော်တော်ယာဉ်ကို သတင်းအရ ရှာဖွေ စစ်ဆေးရာမှာ ယာဉ်မောင်း (၁)ဦး၊ လိုက်ပါလာသူ (၁)ဦးတို့နဲ့ အတူ စိတ်ကြွရူးသွပ်ဆေးပြား ၃ သိန်းကို ဖမ်းဆီးရမိခဲ့တယ်လို့ သိရပါတယ်။
ဖမ်းဆီးရမိသူတွေရဲ့ ထွက်ဆိုချက်အရ TOYOTA SUCCEED အမျိုးအစား ယာဉ် တစ်စီးကိုလည်း စစ်ဆေး ခဲ့ရာ စိတ်ကြွရူးသွပ်ဆေးပြားများနဲ့ သယ်ဆောင်လာသူကို ထပ်မံဖမ်းဆီးရမိခဲ့တယ်လို့ CCDAC Myanmar က ပြောပါတယ်။
ဖမ်းဆီးရမိသူတွေထဲက (၁)ဦးရဲ့ တောင်ဒဂုံက နေအိမ် (၁)လုံးကို ၀င်ရောက်စစ်ဆေးရာ စိတ်ကြွရူးသွပ် ဆေးပြား ၃၆ ဒသမ ၈ သိန်းလည်း ဖမ်းဆီးရမိခဲ့တယ်လို့ သိရပါတယ်။
အဲ့ဒီ မူးယစ်ဆေး၀ါးတွေကိုတော့ ရခိုင်ပြည်နယ်ဘက်ကို တင်ပို့ဖို့အတွက် ရှမ်းပြည်နယ်ဘက်က နေသယ် ဆောင်လာတာဖြစ်ပြီး ရောင်းဝယ်မှုနဲ့ ငွေကြေးလွှဲပြောင်းမှု ပြုလုပ်ခဲ့သူ (၂)ဦးကိုလည်း ဖမ်းဆီးရမိခဲ့ ပါသေးတယ်။
မူးယစ်ဆေး၀ါး သယ်ဆောင်ရောင်းဝယ်ရာမှာ ရရှိတဲ့ ငွေကြေးအကျိုးအမြတ်တွေ၊ ပိုင်ဆိုင်မှုတွေကို ပြည်သူ့ ဘဏ္ဍာအဖြစ် သိမ်းဆည်းသွားမှာ ဖြစ်ပြီး ငွေကြေး ခ၀ါမှု တိုက်ဖျက်ရေး ဉပဒေအရ အရေးယူသွားမယ်လို့ CCDAC Myanmar က ပြောပါတယ်။
#centralnewsnaypyitaw
