နတ်မောက်ရေလှောင်တမံရေပိုလွှဲမှ ရေလေးပေကျော် ကျနေ
နတ်မောက် ၊ အောက်တိုဘာ ၂၄
မကွေးတိုင်းဒေသကြီး၊ နတ်မောက်မြို့နယ်တွင် မိုးရွာသွန်းခဲ့မှုကြောင့် ယနေ့နံနက် ၆ နာရီတွင် ဆည်ရေတိုင်းထွာချက်အရရေပြည့်အမှတ်ထက် ရေကျော်ကျလျက်ရှိကြောင်း မြို့နယ်ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာနမှ သိရသည်။
နတ်မောက်ရေလှောင်တမံ၏ရေ ပြည့်အမှတ်သည်(၆၈၃)ပေရှိရာ လက်ရှိရေမှတ်မှာ (၆၈၇ဒဿမ၅) ပေရှိသည့်အတွက် ရေပိုလွှဲမှ(၄ဒဿမ၅) ပေရေကျော်ကျလျက်ရှိပြီးဆည်၏ ဆက်စပ်အဆောက်အုံများမှာ ကြံ့ခိုင်ကောင်းမွန်သည့်အတွက် စိုးရိပ်စရာအခြေအနေမရှိကြောင်းနှင့် ဆည်အောက်ပိုင်းချောင်းတစ်လျှောက်ရှိ ကျေးရွာနေပြည်သူများဘေး အန္တရာယ်ကင်းရှင်းရေးအတွက် တာဝန်ရှိသူများကကွင်းဆင်း ကြည့်ရှု၍အချိန်နှင့်တစ်ပြေးညီ အသိပေးနှိုးဆော်မှုများဆောင်ရွက်လျက်ရှိကြောင်း မြို့နယ်ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာနမှ တာဝန်ရှိသူထံက သိရသည်။
#centralnewsnaypyitaw
