ဝက်ပဲငပိ ချက်နည်း...😋😋😋
================

ပါဝင်ပစ္စည်း 👩‍🍳

-ဝက်သား (သုံးထပ်သား) - ၃၀သါး
-ပဲငပိ - ၁၀သါး
-ကြက်သွန်နီ - 5 လုံး
-ကြက်သွန်ဖြူ + ဂျင်း - အနည်းငယ်
-ငရုတ်သီးစိမ်း (ကုလားအော်သီး) - အနည်းငယ်

ပြင်ဆင်ပုံ 👩‍🍳

ဝက်သားကို ရေစင်အောင်ဆေးပြီး ဆားဆနွင်းနယ်ပြီးပြုတ်ထားပေးပါရှင်။ပြုတ်တဲ့အချိန် အရမ်းမနူးအိသွားဖို့သတိပြုပေးပါ...

ကြက်သွန်ဖြူဂျင်းထောင်းထားပါ။ကြက်သွန်နီကိုလေးစိပ်ထိုးထားပါရှင်။(ပဲငပိက ကုန်စုံဆိုင်တွေမှာ တရုတ်ပဲငပိလို့ မေးဝယ်လို့ရပါတယ်...

၁၀သါးမှ ၅၀၀ကျပ်ဝန်းကျင်ပါ)။ကျက်ပြီးသော ဝက်သားများကို အနေတော်တုံးထားပေးပါရှင်။

ချက်နည်း 👩‍🍳

ပထမဆုံး ထောင်းထားတဲ့ ကြက်သွန်ဖြူနဲ့ဂျင်းကို ဆီသတ်ပါရှင်။အရောင်တင်မှုန့်၊ဆနွင်းမှုန့်မထည့်ပါဘူးနော်....
ဆီသတ်မွှေးလာလျှင် ပဲငပိထည့်ပြီး ဆီထပ်သတ်ပါ ပြီးလျှင် တုံးထားတဲ့ဝက်သားထည့်ပါ...

ဆား / ငံပြာရည် လုံးဝ မထည့်ရပါ။ အချိုမှုန့် ထည့်လို့ရပါတယ် မေကတော့ အချိုမှုန့်မသုံးလို့ သကြားထည့်ပါတယ်။

ပြီးလျှင် ရေအနည်းငယ်ထည့်ပြီး အဖုံးအုပ်ထားပေးပါရှင်။ရေခမ်းခါနီး ကြက်သွန်နီ လေးစိပ်ထိုးထားတာလေးထည့်ပါရှင် ငရုတ်သီးစိမ်းခွဲထည့်ပါရှင် ကြက်သွန်နီ နူးလာရင် ကျက်ပါပြီ 😉

စားကောင်းအဆင်ပြေကြပါစေရှင် 🤗

(ကြက်သားကိုလဲ ထိုနည်းအတိုင်းချက်ပါ)