အနန်းကွင်းဗျူဟာမှ တပ်မတော်သား (၇၀)ခန့် KNU/KNLA ထံ လက်နက်ချသည်ဆိုသော သတင်းသည် သတင်းအမှားသာဖြစ်
နေပြည်တော်၊ အောက်တိုဘာ ၂၄
ကရင်ပြည်နယ် ကြာအင်းဆိပ်ကြီးမြို့နယ် အခြေစိုက် အနန်းကွင်းဗျူဟာမှ တပ်မတော်သား (၇၀)ခန့်သည် KNU/KNLA ထံ လက်နက်ချ အလင်းဝင်လိုက်သည်ဆိုသော သတင်းသည် သတင်းအမှားသာဖြစ်ကြောင်း မြေပြင်သတင်းများ အရ သိရသည်။
ဘုရားသုံးဆူ-သံဖြူဇရပ် ကားလမ်းမပေါ်ရှိ တပ်မတော် အနန်းကွင်းဗျူဟာကုန်းနှင့် လွတ်ရှမ်းစခန်းတို့ကို ပြီးခဲ့သည့် ဩဂုတ်လမှ စတင်ကာ KNU/KNLA ပူးပေါင်းအဖွဲ့ဝင်များမှ တိုက်ခိုက်နေခြင်းဖြစ်သည်။
လုံခြုံရေးတပ်ဖွဲ့ဝင်များအနေဖြင့် ပြီးခဲ့သည့် စက်တင်ဘာလ (၁၂)ရက်တွင် လွတ်ရှန်းစခန်းမှ ဆုတ်ခွါ ပေးလိုက်ရသော်လည်း အနန်းကွင်း ဗျူဟာကုန်း မကျရေးအတွက် ကြံ့ကြံ့ခံကာ ခုခံတိုက်ခိုက်နေဆဲဖြစ်သည်။
တပ်မတော်မှလည်း အနန်းကွင်းဗျူဟာမကျရေးအတွက်မြေပြင်စစ်ကူအပြင်၊ လေယာဉ်ဗုံးကြဲ တိုက်ခိုက်မှုများဖြင့် စစ်ကူများ ပို့ဆောင်လျက်ရှိပြီး ရိက္ခာပစ္စည်းများကိုလည်း လေကြောင်းမှ တဆင့် ချပေးနေကြောင်း သိရသည်။
#centralnewsnaypyitaw
