*မဖြစ်နိုင်တော့တဲ့အခါ*
တွဲထားတဲ့လက်ကလေးကိုညင်သာစွာဖြုတ်ခဲ့ပါ
မုန်းတီးခြင်းတွေမပါပါစေနဲ့ သူလည်းလွတ်လပ်ပါစေ
ကိုယ်လည်းပျော်ရွှင်နေပါစေ။
*မဖြစ်နိုင်တော့တဲ့အခါ*
သူကိုယ့်ကိုဘယ်လောက်ရက်စက်ကြောင်းတွေမပြောခဲ့ပါနဲ့
ကိုယ်သူ့အပေါ်ဘယ်လောက်တောင်ချစ်ခဲ့ကြောင်းပြောပြခဲ့ပါ
တွဲတဲ့လက်တွေမမြဲခဲ့တာ ကိုယ့်ကြောင့်တော့မဖြစ်ပါစေနဲ့။
*မဖြစ်နိုင်တော့တဲ့အခါ*
ခဏတာနာကျင်မှုတွေကို မကြောက်ပါနဲ့
တစ်ဘဝစာနာကျင်မှုမရှိရအောင် ပြတ်သားသင့်ရင်ပြတ်သားလိုက်ပါ
နှလုံးသားကချစ်ပေမဲ့လည်း ဦးနှောက်ကဆုံးဖြတ်ချက်ချနိုင်ပါစေ။
*မဖြစ်နိုင်တော့တဲ့အခါ*
သူနဲ့ပတ်သက်သမျှအရာအားလုံးမေ့နိုင်အောင်ကြိုးစားပါ
တချို့အမှတ်တရတွေကမင်းကိုအသေသတ်နိုင်တယ် ဒီတော့
ကိုယ့်သေတွင်းတော့ကိုယ်မတူးမိပါစေနဲ့။
မဖြစ်နိုင်တော့တဲ့အခါ*
ပူမှန်းသိရင်လွှတ်ချထားခဲ့လိုက်ပါ
မှားမှန်းသိရင်ဆက်မမှားပါနဲ့တော့
နာကျင်ရတဲ့ဒါဏ်ရာတွေဆိုတာ
ကိုယ်ကလက်ခံမှရတာမို့ ကိုယ့်ဘဝဟာ
ပူလောင်နာကျင်စရာတွေလက်ခံတတ်တဲ့ ဘဝမျိုးမဖြစ်ပါစေနဲ့။
*မဖြစ်နိုင်တော့တဲ့အခါ
ဖြစ်နိုင်အုံးမလားဆိုတဲ့မျှော်လင့်ချက်မထားပါနဲ့
မဖြစ်နိုင်တာကိုလက်ခံပြီး ဖြစ်သင့်တာကိုလုပ်ပါ
ကိုယ့်ကိုယ်ကိုလွတ်လပ်ပျော်ရွှင်မှုပေးနိုင်ကြပါစေ။
