ဂိုးသွင်းနိုင်ရေးအာရုံစိုက်ရန် ဘာပေကို အန်ဆလော့တီ ပြော
----------------------
ရီးရဲလ်မက်ဒရစ်အသင်းရဲ့နည်းပြ အန်ဆလော့တီဟာ အသင်းရဲ့တိုက်စစ်မှူး အမ်ဘာပေကို အသင်းအတွက် အခု ထက်ပိုပြီး ဂိုးတွေသွင်းယူပေးဖို့ကိုသာ အာရုံစိုက်ထားဖို့လိုတယ်လို့ ပြောကြားခဲ့ပါတယ်။ အမ်ဘာပေကို အသင်းရဲ့ တိုက်စစ်မှူးဟောင်း ဘန်ဇီးမား ကစားခဲ့သလိုမျိုး ကစားဖို့ကိုသာ နည်းပြအန်ဆလော့တီက ပိုပြီးအလိုရှိနေခဲ့တာ ပါ။ သွင်းဂိုးတွေကို သွင်းယူပေးဖို့ဆိုတာက တိုက်စစ်မှူးတွေရဲ့ အဓိကတာဝန်ဖြစ်တာကြောင့် အမ်ဘာပေကိုလည်း အသင်းအတွက် အခုထက်ပိုပြီး ဂိုးတွေသွင်းယူပေးဖို့ အလိုရှိတယ်လို့ နည်းပြအန်ဆလော့တီက ပြောပါတယ်။
ရီးရဲလ်မက်ဒရစ်အသင်းမှာ ဘန်ဇီးမား ကစားပေးခဲ့သလိုမျိုး ကစားပေးဖို့အတွက် အမ်ဘာပေကို အကြံပေးခဲ့သလို သူ့ဆီကနေ သွင်းဂိုးတွေကို အခုထက်ပိုပြီး မျှော်လင့်မိတယ်လို့လည်း နည်းပြအန်ဆလော့တီက ဆက်လက် ပြောကြားခဲ့ပါတယ်။ အမ်ဘာပေဟာ အခုဘောလုံးရာသီမှာမှ ရီးရဲလ်မက်ဒရစ်အသင်းကို ရောက်လာခဲ့တာ ဖြစ်ပေမယ့် အသင်းအတွက် ပြိုင်ပွဲစုံ(၁၂)ပွဲ ကစားပြီးချိန်မှာ (၈)ဂိုးအထိ သွင်းယူပေးနိုင်ခဲ့ပါတယ်။
