ငါးခူငါးဆုပ်ဆီလည်ရေလည်အချဉ်ချက်

ဆီပြန်ဟင်း မစားချင်သူများအတွက် ငါးခူငါးဆုပ်ဆီလည်ရေလည်အချဉ်ချက်လေးပါ
ငါးခူ၊ ငါးဖယ် ၊ ငါးဘက် တို့နဲ့ချက်စားနိုင်ပါတယ်
မွန်တလိုင်းဟင်းလို့လည်းခေါ်ကြပါတယ်

ဆီအနည်းအများကတော့ကိုယ်ချက်ချင်သလို
ချိန်ဆနိုင်ပါတယ်

ချက်နည်းလေးရေးပေးပါမယ်
ငါးခူတွေကိုအသားလွှာပြီးပါးပါးလှီးပါ
ပြီးရင် ငရုတ်ဆုံထဲမှာကြက်သွန်ဖြူ ဂျင်း စပါးလင်ပါးပါးလှီး
အချိုအငန်အရသာ ထည့်ကာစေးကပ်လာအောင်
ထောင်းပါ
အနံ့မွှေးတာကြိုက်ရင်
ရှမ်းနံနံရွက်ကိုပါးပါးလှီးထည့်ထောင်းပါ
ထောင်းပြီးတဲ့ငါးတွေကိုဆန်လှော်မှုန့်အနည်းငယ်နဲ့
ရောနယ်ပြီးအလုံးလေးတွေလုံးထားပါ ချက်မယ့်အိုးထဲ
ကြက်သွန်နီ ကြက်သွန်ဖြူ ငရုတ်သီးတို့ကို
ညက်အောင်ထောင်းပြီးဆီသပ်ပါ
စပါးလင်နှစ်ပင်လောက်ထုထည့်ပါ
ကြက်သွန်တွေနွမ်းပြီဆို
မဆာလာထည့် မန်ကျည်းရည်ကျဲကျဲထည့်
အချိုအငန်အရသာထည့်ပြီးပွက်ပွက်ဆူအောင်ချက်ပါ လုံးထားတဲ့ငါးတွေထည့်ပြီးချက်ပါ
ဆယ်မိနစ်လောက်ချက်ရင်ရပါပြီ
ကြိုက်တက်ရင်တော့ ငရုတ်သီးစိမ်းအုပ်ပါ
ငါးဖယ် ငါးဘတ် တို့နဲ့လည်းဤနည်းအတိုင်းချက်
နိုင်ပါတယ်
အရသာရှိတဲ့ဟင်းတစ်ခွက်ပါ