အာကာသမှာ ဒေါ်လာ သန်း ၅၀၀ တန် Fine Dining သုံးဆောင်နိုင်ပြီ
======================================

အာကာသကို အလည်အပတ်ပို့ဆောင်ပေးတဲ့ ခရီးစဉ်တွေကို ကုမ္ပဏီ တချို့က အပြိုင်အဆိုင်ပြုလုပ်ပေးလာကြပါတယ်။ လူချမ်းသာတွေက အာကာသ အလည်အပတ် ခရီးစဉ်မှာ လိုက်ပါဖို့ ဘွတ်ကင်တွေတောင် တင်ထားကြပါတယ်။

အခုတော့ အာကာသကိုလည်းလည်ပတ်ရင်း Fine Dining စားသုံးနိုင်မယ့် ဝန်ဆောင်မှုကို ပြုလုပ်ပေးတဲ့ကုမ္ပဏီ ပေါ်လာပါတယ်။ အဲဒီကတော့ SpaceVIP ဖြစ်ပြီး အာကာသကိုလည်း လည်ပတ်နိုင်မယ် Fine Dining ကိုလည်း သုံးဆောင်နိုင်မယ့် ဝန်ဆောင်မှုကို ပြုလုပ်ပေးမှာပါ။ အိုင်ဒီယာကလည်း ထူးခြားသလို ဈေးနှုန်းကလည်းမသေးပါဘူး။ လူ ၁ ယောက်အတွက် ဒေါ်လာ သန်း ၅၀၀ သတ်မှတ်ထားပြီး လူ ၆ ယောက်ပဲ လိုက်ပါနိုင်မှာပါ။ ဘောလုံး အာကာသယာဉ်နဲ့ ကမ္ဘာမြေအထက် ၃၀ ကီလိုမီတာကို သွားရောက်နိုင်မှာဖြစ်ပြီး အာကာသမှာ ၆ နာရီကြာ လည်ပတ်နိုင်မှာပါ။

အာကာသကို ရောက်ရင် Michelin-star ရထားတဲ့ စားဖိုမှူး Rasmus Munk ရဲ့ အထူး ဖန်တီးထားတဲ့ ဟင်းလျာတွေကို စားသုံးနိုင်မှာပါ။ သူက ကမ္ဘာမှာ ဘယ်သူမှ မချက်ပြုတ်ပေးနိုင်တဲ့ အရသာကို ဖန်တီးပေးမှာ ဖြစ်ပြီး အဲဒီ အစားအစာတွေကို အာကာသ မီနူးလို့ အမည်ပေးထားပါတယ်။

အာကာသယာဉ်ဟာ မိုးပျံ ဘောလုံး ဒီဇိုင်း ဖြစ်ပြီး ဒုံးပျံတွေ မလိုအပ်ပါဘူး။ ခရီးသည်တွေဟာ သင်တန်း တက်စရာ မလိုဘဲ ခရီးစဉ်မှာ လိုက်ပါနိုင်ပါတယ်။

Ref : digitaltrends
Crd