ဒိုင်လူကြီး၏ ဆုံးဖြတ်ချက်ကို ဂွာဒီယိုလာ ထောက်ခံ
--------------------------
မန်စီးတီးအသင်းရဲ့နည်းပြ ဂွာဒီယိုလာက ဝုဗ်အသင်းကို အနိုင်ရခဲ့တဲ့ပွဲစဉ်မှာ ကွင်းလယ်ဒိုင်လူကြီးရဲ့ ဆုံးဖြတ်ချက် အပေါ် ထောက်ခံကြောင်း ပွဲအပြီးအင်တာဗျူးမှာ ပြောကြားသွားခဲ့ပါတယ်။ မန်စီးတီးအသင်းဟာ ဝုဗ်အသင်းနဲ့ ပွဲစဉ်မှာ ဦးဆောင်ဂိုးပေးခဲ့ရပေမယ့်လည်း နောက်ခံလူ ဂျွန်စတုန်းရဲ့ နောက်ကျအနိုင်ဂိုးကြောင့် ပွဲအပြီးမှာ (၂)ဂိုး၊ (၁)ဂိုးနဲ့အနိုင်ရခဲ့တာပါ။
ဂျွန်စတုန်းသွင်းယူခဲ့တဲ့ဂိုးမှာ ဘာနာဒိုဆေးဗားက လူကျွံနေခဲ့တာကြောင့် စည်းကြပ်ဒိုင်က လူကျွံဘောအဖြစ် သတ်မှတ်ခဲ့ပေမယ့်လည်း ကွင်းလယ်ဒိုင်လူကြီးက VAR ပြန်ကြည့်ပြီး မန်စီးတီးအသင်းကို ဦးဆောင်ဂိုး ခွင့်ပြုခဲ့ တာဖြစ်ပါတယ်။ ဂျွန်စတုန်း ဂိုးသွင်းပြီးနောက် စည်းကြပ်ဒိုင်က အလံထောင်လိုက်ချိန်မှာ ဆုံးဖြတ်ချက်မှား ယွင်းနေခဲ့တာကြောင့် စောဒကတက်ခဲ့မိပေမယ့် ကွင်းလယ်ဒိုင်လူကြီးရဲ့ ဆုံးဖြတ်ချက်က မှန်ကန် ခဲ့တယ်လို့ နည်းပြဂွာဒီယိုလာက ပြောကြားသွားခဲ့ပါတယ်။
မန်စီးတီးအသင်းဟာ ဝုဗ်အသင်းနဲ့ပွဲစဉ်မှာ အနိုင်ရခဲ့ တာကြောင့် ပရီးမီးယားလိဂ်(၈)ပွဲကစားပြီးချိန်မှာ (၆)ပွဲနိုင်၊ (၂)ပွဲသရေ၊ ရမှတ်(၂၀)မှတ်အတူ အမှတ်ပေးဇယားရဲ့ အဆင့်(၂)နေရာမှာ ဆက်လက်ရပ်တည်နိုင်ခဲ့ပါတယ်။
