ဒိုင်လူကြီးများက အသင်းကြီးများကို မသိမသာ ဘက်လိုက်နေဟု ဝုဗ်နည်းပြ အိုနေးလ် ပြော
ပရီးမီးယားလိဂ် ဒိုင်လူကြီတွေဟာ ထိပ်တန်းအသင်းကြီးတွေအပေါ် မသိမသာ ဘက်လိုက်မှုတွေ ရှိကြောင်း ဝုဗ်နည်းပြ ဂယ်ရီအိုနေးလ်က ပြောသွားပါတယ်။
မန်စီးတီးနဲ့ပွဲစဉ် နောက်ဆုံးမိနစ်မှာ ဂျွန်စတုန်းစ်ရဲ့ သွင်းဂိုး ခွင့်ပြုလိုက်ရတဲ့အပေါ် နည်းပြအိုနေးလ်က မကျေမနပ်ဖြစ်ခဲ့တာပါ။
အဲဒီသွင်းဂိုးမှာ မန်စီးတီးကွင်းလယ်လူ ဘာနာဒိုဆေးလ်ဗားက လူကျွံနေခဲ့ပေမဲ့ ဂိုးသမား ဆာကို နှောင့်ယှက်မှုမရှိတာကြောင့်ဆိုပြီး ဂိုးအဖြစ် သတ်မှတ်ပေးခဲ့တာပါ။
အလားတူဖြစ်ရပ်မျိုးကို မနှစ်တုန်းက ဝက်စ်ဟမ်းနဲ့ ပွဲစဉ်မှာဖြစ်ခဲ့ပြီး ဂိုးအဖြစ် သတ်မှတ်ပေးခြင်း မရှိခဲ့ကြောင်း ဝုဗ်နည်းပြ အိုနေးလ်က ပြောပါတယ်။
ဒိုင်လူကြီးတွေအနေနဲ့ အင်အားကြီးတဲ့အသင်းကြီးတွေဘက်ကို မသိမသာ ဘက်လိုက်နေပြီး ဝုဗ်လို အသင်းငယ်တွေနဲ့ ပွဲစဉ်တွေမှာ ဆုံးဖြတ်ချက်တမျိုး၊ အသင်းကြီးတွေဆိုရင် ဆုံးဖြတ်ချက် တမျိုးချမှတ်နေကြောင်း နည်းပြအိုနေးလ်က ဝေဖန်သွားခဲ့ပါတယ်။
DVB
