ရုရှားကိုရန်မလိုမှသာ အမေရိကနှင့်လက်နက်ထိန်းချုပ်ရေးဆွေးနွေးမည်
မော်စကို၊အောက်တိုဘာ ၁၇--
ရုရှားဆန့်ကျင်ရေးမူဝါဒကို အမေရိကဘက်မှ စွန့်လွှတ်မှသာလျှင် မဟာဗျူဟာေမြာက်ေသာတည်ငြိမ်ရေး ဆွေးနွေးပွဲကို ပြန်လည်စတင်နိုင်မည်ဖြစ်ကြောင်းရုရှားနိုင်ငံဒုတိယနိုင်ငံခြားရေးဝန်ကြီးကပြောကြားခဲ့သည်။
၂၀၂၆ ၌ သက်တမ်းကုန်ဆုံးမည့် New START စာချုပ်သက်တမ်းအပြီး ဆက်ဖြစ်လာမည့်အခြေအနေနှင့်ပတ်သက်၍ အမေရိက၏ မူဝါဒနှင့်လုပ်ေဆာင်ချက်များတွင်အမှန်တကယ် တိုးတက်ပြောင်းလဲ လာမှသာ မဟာဗျူဟာေမြာက်ေသာ တည်ငြိမ်ရေးနှင့် ပြဿနာများကို ဆွေးနွေးရန် ဖြစ်နိုင်မည်ဟုလည်း၎င်းကဆိုသည်။
နှစ်နိုင်ငံအကြား နျူကလီးယားလက်နက်ထိန်းချုပ်ရေးစာချုပ် New START ကို အများဆုံးငါးနှစ်အထိ သက်တမ်းတိုးနိုင်ပြီး ရုရှားနှင့်အမေရိကတို့သည် ၂၀၂၁ ခုနှစ် ဖေဖော်ဝါရီလ ၃ ရက်နေ့တွင် စာချုပ်ကို ငါးနှစ်သက်တမ်းတိုးခဲ့ကြသည်။
အမေရိက၏ နိုင်ငံခြားရေးမူဝါဒကို လွှမ်းမိုးထားသည့် ရုရှားဆန့်ကျင်ရေး အစွဲကို အပြည့်အဝ ချွတ်နိုင်မှသာလျှင် မော်စကိုအနေဖြင့် အမေရိကနှင့် လက်နက်ထိန်းချုပ်ရေးဆွေးနွေးပွဲများ ပြန်လည်စတင်ရန် အသင့် ဖြစ်မည်ဖြစ်ကြောင်း ၎င်းကဆက်လက်ပြောကြားခဲ့သည်။
