တစ်သက်မှာတစ်ခါပဲ မြင်ရနိုင်မယ့် ကြယ်တံခွန် Comet A3
၂၀၂၄ ခုနှစ် အောက်တိုဘာလမကုန်ခင်ထိ ကျွန်တော်တို့အနေနဲ့ တစ်သက်မှာတစ်ခါပဲ မြင်ရနိုင်မယ့် ကြယ်တံခွန်တစ်ခုကို မြင်နေရပြီဖြစ်ပါတယ်။ တစ်သက်မှာတစ်ခါပဲ ဆိုရတဲ့အကြောင်းကတော့ နှစ်ပေါင်း ၈၀,၀၀၀ ကျော်ကြာအထိ ဒီ ကြယ်တံခွန်က ကျွန်တော်တို့မြင်နိုင်ရတဲ့ အကွာအဝေးအထိ ခုတစ်ကြိမ်မှပဲ ပြန်လာခဲ့လို့ဖြစ်ပါတယ်။ ဒါ့ကြောင့်လည်း Comet of the Century "ရာစုနှစ်ရဲ့ကြယ်တံခွန်" လို့ခေါ်ဝေါ်နိုင်ပါတယ်။
လောလောဆယ်တော့ ကမ္ဘာနဲ့ အနီးဆုံးအကွာအဝေးအဖြစ် ခန့်မှန်းခြေအားဖြင့် ၀.၃ astronomical units (AU) အကွာအဝေးသို့ ရောက်ရှိနေပြီဖြစ်ပါတယ်။ ဒီအကွာအဝေးက ကီလိုမီတာ ၄၅ သန်း သို့မဟုတ် မိုင် ၂၈ သန်းခန့်နှင့် ညီမျှပါတယ်။ ဒါပေမယ့် တောက်ပလွန်းတဲ့အရောင်တွေကြောင့် Light Pollution မရှိတဲ့နေရာမှာရော၊ Light Pollution ရှိတဲ့နေရာတွေမှာပါ တိမ်ကင်းစင်တဲ့အချိန်တွေမှာ မျက်စိတိုက်ရိုက်ကြည့်ရှုနိုင်ပါတယ်။
လူသားများ ကြယ်တံခွန် A3 ကို နောက်ဆုံးတွေ့မြင်ခဲ့ရသည်မှာ ကျွန်တော်တို့လူသားရယ်လို့ တိတိကျကျမခေါ်နိုင်ခင် နီအန်ဒါသယ်လ်ခေတ်တွင် ဖြစ်ပါတယ်။ ခန့်မှန်းခြေအားဖြင့် နှစ်ပေါင်း ၈၀,၀၀၀ ခန့်ရှိနေပါပြီ။ Comet A3 ဟာ ကျွန်တော်တို့နေအဖွဲ့အစည်းအတွင်းဝင်လာတဲ့အခါမှာ နေရဲ့အပူရှိန်ကြောင့် သူ့မှာရှိတဲ့ အစိုင်အခဲတွေ အရည်ပျော်လာပြီး ဓာတ်ငွေ့တွေကို တောက်ပတဲ့အရောင်တွေအဖြစ် မြင်ရမှာပါ။ လောလောဆယ်မှာတော့ အစိမ်းရောင်ဖန့်ဖန့်ကိုမြင်ရမှာဖြစ်ပြီး ဖုန်မှုန့်တွေနဲ့ ဓာတ်ငွေ့တွေရောနေတဲ့ ကြယ်တံခွန်အမြှီးကိုလည်း အတော်လေးရှည်လျားစွာမြင်ရနိုင်ပါသေးတယ်။
လောလောဆယ်မှာတော့ သိပ္ပံပညာရှင်တွေနဲ့ နက္ခတ်သိပ္ပံကျွမ်းကျင်သူတွေက Comet A3 ကိုလေ့လာမှုတွေပြုလုပ်နေကြပါတယ်။ ဒီလိုမျိုး လေ့လာမှုတွေကတဆင့် ကျွန်တော့်နေအဖွဲ့အစည်းဘယ်လိုဖြစ်လာသလဲ။ ကျွန်တော်တို့ Solar System အပြင်မှာ ဒြပ်သတ္တုတွေဘယ်လိုဖြစ်ပျက်နေသလဲဆိုတဲ့ အချက်တွေအပြင် အတိတ်ရော၊ အနာဂါတ်မှာပါ အသုံးချနိုင်တဲ့ အဖိုးဖြတ်မရနိုင်တဲ့ သိပ္ပံအချက်အလက်တွေကို ရရှိနိုင်မှာဖြစ်ပါတယ်။
အခရာပရိသတ်တွေအနေနဲ့လည်း တစ်သက်မှာတစ်ခါပဲမြင်ရမယ့် Comet A3 အကြောင်းသိနိုင်အောင်အတွက် ဖော်ပြပေးလိုက်ရပါတယ်။
image credit >> internet
akhyartech