ကင်မရွန်းနောက်ခံလူ မာတစ် ကစားသမားဘဝမှ အနားယူ
--------------------------
ကင်မရွန်းလက်ရွေးစင်အသင်းရဲ့နောက်ခံလူတစ်ယောက်ဖြစ်သလို လီဗာပူးအသင်းရဲ့နောက်ခံလူဟောင်းလည်း ဖြစ်တဲ့ မာတစ်ဟာ ကစားသမားဘဝကနေ အနားယူလိုက်ပြီလို့ အတည်ပြုသွားခဲ့ပါတယ်။ အသက် ၃၃ နှစ်အရွယ် မာတစ်ဟာ လီဗာပူးအသင်းနဲ့အတူ အောင်မြင်တဲ့ ၈ နှစ်တာကာလကို ဖြတ်သန်းခဲ့ပြီး ပရီးမီးယားလိဂ်၊ ချန်ပီယံ လိဂ်၊ အက်ဖ်အေဖလားနဲ့ လိဂ်ဖလားတို့ကို ရယူနိုင်ခဲ့တာပါ။
၂၀၁၆ ခုနှစ်မှာ ဂျာမန်ကလပ် ရှော်ကေး အသင်းကနေ လီဗာပူးအသင်းဆီကို ပြောင်းရွှေ့လာခဲ့တဲ့ မာတစ်ဟာ အသင်းအတွက်ပြိုင်ပွဲစုံ ၂၀၁ ပွဲမှာ ၁၁ ဂိုး သွင်းယူပေးထားနိုင်ခဲ့တာဖြစ်ပါတယ်။ ပြီးခဲ့တဲ့ဘောလုံးရာသီအကုန် မှာတော့ လီဗာပူးအသင်းနဲ့ စာချုပ်ပြည့်ခဲ့သလို ဒဏ်ရာပြဿနာတွေနဲ့လည်း ရင်ဆိုင်ခဲ့ရတဲ့ မာတစ်ဟာ ကလပ် အသင်းသစ်ကို ရှာဖွေဖို့အတွက် အခက်အခဲတွေနဲ့ရင်ဆိုင်နေခဲ့ရတာပါ။
ဒါကြောင့်လည်း အခုချိန်မှာ ကစားသမာဘဝကနေ အနားယူဖို့ကို ဆုံးဖြတ်လိုက်တာဖြစ်ပြီး မိသားစုကို အချိန်ပို ပေးနိုင်ဖို့အတွက် ပြင်ဆင်သွားတော့မှာဖြစ်တယ်လို့ မာတစ်က ပြောကြားခဲ့ပါတယ်။ မာတစ်ဟာ ကင်မရွန်းလက် ရွေးစင်အသင်းအတွက် ၂၀၁၀ မှာစတင်ကစားပေးခဲ့တာဖြစ်ပြီး လက်ရွေးစင် အဖြစ် ၂၇ ပွဲကစားပြီး ၁ ဂိုးသွင်းယူ ပေးထားနိုင်ခဲ့တာဖြစ်ပါတယ်။
