ရှန်ဟိုင်းမာစတာ ချန်ပီယံဆုကို ဆင်နာရယူ
--------------------
အောက်တိုဘာ ၁၃ ရက်နေ့က ယှဉ်ပြိုင်ခဲ့တဲ့ ရှန်ဟိုင်းမာစတာ တင်းနစ် အမျိုးသားတစ်ဦးချင်း ဗိုလ်လုပွဲမှာ ကမ္ဘာ့ အဆင့်-၁ အီတလီတင်းနစ်သမား ဆင်နာအနိုင်ရပြီး ချန်ပီယံဆုကို ရယူသွားခဲ့ပါတယ်။ ဗိုလ်လုပွဲမှာ ဆင်နာနဲ့ ဆားဘီးယားတင်းနစ်သမား ဂျိုကိုဗစ်တို့ ယှဉ်ပြိုင်ခဲ့တာဖြစ်ပြီး ပွဲက အကြိတ်အနယ်ရှိခဲ့ပါတယ်။
ဂျိုကိုဗစ်ဟာ အေတီပီတိုး တစ်ဦးချင်းချန်ပီယံဆုကို အကြိမ် ၁၀၀ ပြည့်ရယူနိုင်တဲ့ တတိယမြောက်တင်းနစ်သမား ဖြစ်လာဖို့ မျှော်လင့်ချက်နဲ့ ကြိုးစားခဲ့ပေမယ့် ကမ္ဘာ့အဆင့်-၁ ဆင်နာကလည်း အကောင်းဆုံးလက်စွမ်းနဲ့ ကစားပြ သွားခဲ့တာ ဖြစ်ပါတယ်။ ပထမပွဲလတ်မှာ ဂျိုကိုဗစ်နဲ့ ဆင်နာတို့ အကြိတ်အနယ်ရှိခဲ့ပေမယ့် ဒုတိယပွဲလတ်မှာတော့ ဆင်နာက လက်စွမ်းပိုင်းပိုကောင်းခဲ့ပြီး အမှတ်တွေလည်း ပိုပြီးတော့ ရယူသွားနိုင်ခဲ့တာဖြစ်ပါတယ်။
ပွဲကစားချိန် ၁ နာရီနဲ့ ၃၇ မိနစ်သာကြာမြင့်ခဲ့ပြီးနောက် ဆင်နာက ဂျိုကိုဗစ်ကို (၇း၆၊၆း၃)ဆိုတဲ့ ရလဒ်နဲ့ အနိုင်ရ ခဲ့ပြီး အခုနှစ်အတွက် ၇ ခုမြောက် အေတီပီတိုး တစ်ဦးချင်းချန်ပီယံဆုကို ရယူသွားနိုင်ခဲ့ပါတယ်။ ဂျိုကိုဗစ်အတွက် ကတော့ ကစားသမား ဘဝ အေတီပီတိုးတစ်ဦးချင်း ချန်ပီယံဆုကို အကြိမ် ၁၀၀ ပြည့်ရယူနိုင်ဖို့က ထပ်မံစောင့် ဆိုင်း ရတော့မှာ ဖြစ်ပါတယ်။ ဒါ့အပြင် အခုပြိုင်ပွဲမှာ အနိုင်ရခဲ့တဲ့အတွက် ဆင်နာဟာ ၂၀၂၄ ခုနှစ်ကို ကမ္ဘာ့အ ဆင့်-၁ နေရာနဲ့နှုတ်ဆက်ခွင့်ရဖို့ကိုလည်း သေချာသွားခဲ့ပါတယ်။
