မြန်မာနိုင်ငံအနေဖြင့် ဓာတုလက်နက် တားဆီးပိတ်ပင်ရေး နိုင်ငံတကာ ပူးပေါင်းဆောင်ရွက်မှုများတွင် ပိုမိုပူးပေါင်းပါဝင်မည်
မြန်မာနိုင်ငံအနေဖြင့် ဓာတုလက်နက်တားဆီးပိတ်ပင်ရေးအဖွဲ့(OPCW) မှ ဓာတုလက်နက် တားဆီးပိတ်ပင်ရေး သဘောတူစာချုပ် (CWC)၊ Article XI အောက်မှ အကောင် အထည်ဖော်လျက်ရှိသည့် နိုင်ငံတကာ ပူးပေါင်း ဆောင်ရွက်မှုနှင့် အကူအညီပေးရေး အစီအစဉ်များ၊ သင်တန်းများတွင် ပိုမိုပူးပေါင်းပါဝင်ခွင့် ရရှိလိုပါကြောင်း အီးယူဆိုင်ရာ မြန် မာသံအမတ်ကြီးက ပြောကြားသည်။
နယ်သာလန်နိုင်ငံ၊ သည်ဟိတ်မြို့ရှိ ဓာတုလက်နက်တားဆီးပိတ်ပင်ရေးအဖွဲ့ (OPCW) ရုံးချုပ်၌ အောက်တိုဘာ (၈)ရက်မှ အောက်တိုဘာ (၁၁)ရက်အထိ ကျင်းပခဲ့သည့် OPCW ၏ (၁၀၇) ကြိမ်မြောက် Executive Council အစည်းအဝေး (E C-107) သို့ OPCW ဆိုင်ရာ မြန်မာအမြဲတမ်းကိုယ်စားလှယ်အဖြစ် အီးယူဆိုင်ရာ မြန်မာသံအမတ်ကြီး ဦးစိုးလင်းဟန်က တက်ရောက်ပါဝင်ဆွေးနွေးခဲ့ကြောင်း သိရသည်။
အဆိုပါ အစည်းအဝေးတွင် OPCW မှ သက်ဆိုင်ရာ နိုင်ငံများနှင့် ပူးပေါင်းဆောင်ရွက်လျက်ရှိသည့် ဓာတုလက်နက်ဖျက်သိမ်းရေးလုပ်ငန်းများ၏ ဖြစ်ပေါ်တိုးတက်မှုများ၊ ဓာ တုလက်နက်ဖြင့် ခြိမ်းခြောက်မှု အန္တရာယ်အား ကာကွယ်ဟန့်တားရေးလုပ်ငန်းများ၊ ဓာတုလက်နက် တားဆီးပိတ်ပင်ရေး သဘောတူစာချုပ် (Chemical Weapons Convention -CWC) ၏ Article VII နှင့် Article XI တို့အား အကောင်အထည်ဖော် ဆောင်ရွက်မှု အခြေအနေတို့ကို ဆွေးနွေးခဲ့ကြောင်း သိရသည်။
ထို့ပြင် ဓာတုလက်နက် အသုံးပြု၍ အကြမ်းဖက်မှုအား တိုက်ဖျက်ရေးလုပ်ငန်းအစီအစဉ် အကောင်အထည်ဖော်ဆောင်ရွက်မှု အခြေအနေ၊ CWC စာချုပ်ကိုအကောင်အထည် ဖော်ရာ၌ လူသားဉာဏ်ရည်တု နည်းပညာ (AI) အား အသုံးပြုနိုင်မှုနှင့် AI ၏ စိန်ခေါ်မှုများအား OPCW Technical Se cretariat အနေနှင့် သုတေသနပြု ဆောင်ရွက်နေမှု အခြေအနေတို့ကို ဆွေးနွေးခဲ့ကြောင်းလည်း သိရသည်။
မြန်မာသံအမတ်ကြီးက မြန်မာနိုင်ငံသည် CWC စာချုပ်၏ မူဝါဒနှင့် ရည်ရွယ်ချက်များကို အပြည့်အဝ လိုက်နာဆောင်ရွက်လျက်ရှိကြောင်း၊ ဓာတုလက်နက် ကင်းစင်သည့် ကမ္ဘာကြီးဖြစ်စေရန် OPCW ၏ ကြိုးပမ်းဆောင်ရွက်မှုများကို ထောက်ခံကြောင်း၊ CWC စာချုပ်ကို ထိရောက်စွာ အကောင်အထည်ဖော် ဆောင်ရွက်နိုင်ရေးသည် ကမ္ဘာ့ငြိမ်းချမ်းရေးနှင့် လုံခြုံရေးအတွက် အရေးကြီးသည်ကို အခိုင်အမာ ယုံကြည်ကြောင်း ဆွေးနွေးပြောကြားခဲ့သည်။
ထို့ပြင် OPCW မှ CWC စာချုပ်၊ Article XI အောက်မှ အ ကောင်အထည်ဖော်ဆောင်ရွက်လျက်ရှိသည့် နိုင်ငံတကာ ပူးပေါင်းဆောင်ရွက်မှုနှင့် အကူအညီပေးရေး အစီအစဉ်များ၊ သင်တန်းများတွင် မြန်မာနိုင်ငံမှ ပိုမို ပူးပေါင်းပါဝင်ခွင့် ရရှိလိုကြောင်းနှင့် AI နည်းပညာ၏ စိန်ခေါ်မှုများအား OP CW Technical Secretariat အနေနှင့် သုတေသနပြုဆော င်ရွက်နေမှုကို ကြိုဆိုအသိအမှတ်ပြုကြောင်းစသည်ဖြင့် ပြောကြားခဲ့ကြောင်း သိရသည်။
