မိုးဆိုင်ရာသဘာဝဘေးများကြောင့် သီရိလင်္ကာ၌ လူ ၂၂,၀၀၀ ခန့်အိုးမဲ့အိမ်မဲ့ဖြစ်ခဲ့
ကိုလံဘို၊အောက်တိုဘာ ၁၂
သီရိလင်္ကာနိုင်ငံ၌ မကြာသေးမီက မိုးသည်းထန်စွာရွာသွန်းမှုကြောင့် ရေကြီးရေလျှံခြင်း၊လေပြင်းတိုက်ခတ်မှု၊သစ်ပင်လဲကျမှုနှင့် မိုးကြိုးပစ်ခြင်းစသည့် မိုးနှင့်ဆက်စပ်သည့် သဘာဝဘေးအန္တရာယ်များကြောင့် သီရိလင်္ကာနိုင်ငံသား ၂၂,၀၀၀ ကျော် အိုးမဲ့အိမ်မဲ့ဖြစ်ခဲ့ရကြောင်း နိုင်ငံတော်ဘေးအန္တရာယ်စီမံခန့်ခွဲမှုဗဟိုဌာန(DMC) ၏အဆိုအရသိရသည်။
စနေနေ့က ထုတ်ပြန်ခဲ့သည့် ၎င်း၏နောက်ဆုံးအခြေအနေအစီရင်ခံစာအရ အောက်တိုဘာ ၇ ရက်မှ ၁၂ ရက်နေ့နံနက်အထိ နိုင်ငံတစ်ဝန်းရှိ ခရိုင် ၁၁ ခုမှ မိသားစု ၅,၃၄၈ ၊လူပေါင်း ၂၂,၀၆၄ ဦး အိုးမဲ့အိမ်မဲ့ဖြစ်ခဲ့ကြောင်းလည်းပြောကြားခဲ့သည်။
လက်ရှိအချိန်အထိ ရေပိတ်ဆို့နေသည့် လယ်ကွင်းအတွင်း လူတစ်ဦး ရေနစ်ေ-သဆုံးခဲ့ပြီး အိမ်ခြေ ၁၂၀ ပျက်စီးခဲ့ကြောင်း နိုင်ငံတော်ဘေးအန္တရာယ်ဆိုစီမံခန့်ခွဲမှုဗဟိုဌာန၏ သတင်းထုတ်ပြန် ကြေငြာချက်အရသိရသည်။
