#xiaomi_evs
-----------------------
Apple လို ကုမ္ပဏီက လျှပ်စစ်ကားထုတ်ဖို့ လုပ်ရာက နောက်ပြန်ဆုတ်သွားချိန်မှာ
Xiaomi ကတော့ သူ့ရဲ့ လျှပ်စစ်ကား SU7 ကို အနိမ့်ဆုံးဈေးနှုန်း ယွမ်ငွေသုံးသိန်းနဲ့
တရုတ်ဈေးကွက်ထဲ စပို့လိုက်ပါပြီ။
Xiaomi ရဲ့ SU7 EV-standard မော်ဒယ်ရဲ့ ဈေးနှုန်းဟာ အမေရိကန်ဒေါ်လာ ၂၉၀၀၀ ကျော်နဲ့ ညီမျှတဲ့ ယွမ်သုံးသိန်း၊ Pro ဗားရှင်းက အမေရိကန်ဒေါ်လာ ၃၄၀၀၀ ကျော်နဲ့ Max ဗားရှင်းက ဒေါ်လာ ၄၁၀၀၀ ကျော်နဲ့ ညီမျှတဲ့ ယွမ်ငွေ အသီးသီး ကျသင့်ပါမယ်။

Xiaomi ရဲ့ လျှပ်စစ်ကားတွေကို တရုတ်နိုင်ငံပိုင် ကားထုတ်လုပ်ရေး ကုမ္ပဏီ BAIC Group ရဲ့ ဘေဂျင်းစက်ရုံတစ်ခုက ထုတ်ပါတယ်။ တစ်နှစ်ကို ကားအစီးရေနှစ်သိန်း ထုတ်လုပ်ပေးနိုင်တဲ့ စက်ရုံ ဖြစ်ပါတယ်။ တစ်ကမ္ဘာလုံးအတိုင်းအတာနဲ့ EV ရောင်းအား တိုးတက်မှု နှေးကွေးလာချိန်မှာ Xiaomi ရဲ့ လျှပ်စစ်ကား ဈေးကွက်ထဲကို ဝင်ရောက်လာတာဖြစ်ပြီး ဈေးနှုန်းပြိုင်ဆိုင်မှုစစ်ပွဲကို ဖြစ်ပေါ်စေခဲ့ပါတယ်။
အိလွန်မတ်စ်ရဲ့ Tesla ကလည်း ဈေးချိုတဲ့ EV(သူတို့အဖို့) Model-3 ကို ဒေါ်လာ ၂၅၀၀၀ နဲ့ ရောင်းဖို့ လုပ်နေပါတယ်။
ကမ္ဘာတစ်ဝန်းမှာ စမတ်ဖုန်း တတိယအများဆုံး ရောင်းချသူဖြစ်ပြီး ဈေးကွက်ဝေစု ၁၂ % ရရှိထားတဲ့ Xiaomi အနေနဲ့ EV ဈေးကွက်မှာကော ဘယ်လောက်ထိုးဖေါက်နိုင်မလဲ စောင့်ကြည့်ရမှာပါ။