မြေပဲ၊ နှမ်း နှင့် နေကြာဆီ သီတင်းကျွတ်ဈေးရောင်းပွဲ ကျင်းပမည်
------------------
ပြည်တွင်းဆီဖူလုံမှုကို ဖော်ဆောင်တဲ့အနေနဲ့ ပြည်တွင်းဆီစက်တွေက ကြိတ်ခွဲထားတဲ့ မြေပဲဆီ၊ နှမ်းဆီ နဲ့ နေကြာဆီတွေကို ဈေးနှုန်းသက်သာစွာနဲ့ ရောင်းချပေးမယ့် သီတင်းကျွတ်ဈေးရောင်းပွဲတော်ကို ကျင်းပသွားမယ်လို့ မြန်မာနိုင်ငံဆီစက်ပိုင်ရှင်များအသင်းကနေ သိရပါတယ်။
မြေပဲဆီ၊ နှမ်းဆီနဲ့ နေကြာဆီ သီတင်းကျွတ်ဈေးရောင်းပွဲတော်ကို ရန်ကုန်မြို့၊ လမ်းမတော်မြို့နယ်၊ မင်းရဲကျော်စွာလမ်းရှိ UMFCCI ရှေ့မှာ အောက်တိုဘာလ ၁၂ ရက် ကနေ ၁၄ ရက်နေ့အထိ ၃ ရက်တိုင်တိုင် ကျင်းပသွားမယ်လို့ ဆိုပါတယ်။
ရောင်းချမယ့် ဈေးနှုန်းအနေနဲ့ ဘူး၊ ပုံး အပါအဝင် တစ်ပိဿာကို ၁၅၀၀၀ ကျပ်၊ ဆီသီးသန့်ဝယ်ယူမယ်ဆိုရင် ၁၃၀၀၀ ကျပ်ထက်မပိုတဲ့ ဈေးနှုန်းနဲ့ ရောင်းချ ပေးမှာဖြစ်တယ်လို့ သိရပါတယ်။
မြေပဲဆီ၊ နှမ်းဆီနဲ့ နေကြာဆီတွေကို ပိဿာချိန် ၉ သောင်း ရောင်းချပေးသွား မှာဖြစ်ပြီး အနယ်နယ်၊ အရပ်ရပ်က ဝယ်ယူလိုသူတွေအနေနဲ့လည်း အခုအချိန်မှစတင်ကာ ၀၉-၈၈၃၃၃၇၆၇၆ ကိုဖုန်းဆက်ပြီး ကြိုတင်မှာဝယ်ယူနိုင်တယ်လို့ ဆိုပါတယ်။
