စက်သုံးဆီရည်ညွှန်းဈေး မြင့်တက်လာ
-----------------
ရန်ကုန်အပါအဝင် နိုင်ငံတစ်ဝန်းက မြို့ကြီးတချို့ရဲ့ စက်သုံးဆီ ရည်ညွှန်းလက်လီဈေးဟာ အောက်တိုဘာလ ၁၁ ရက်မှာ အနည်းငယ် မြင့်တက်လာတယ်လို့ စက်သုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေး ကော်မတီရဲ့ ထုတ်ပြန်ချက်အရ သိရပါတယ်။
ရန်ကုန်မြို့ရဲ့ စက်သုံးဆီ ရည်ညွှန်းလက်လီဈေးဟာဆိုရင် အောက်တိန်း 92 တစ်လီတာကို ၃၁၀၀ ကျပ်၊ အောက်တိန်း 95 တစ်လီတာကို ၃၃၀၅ ကျပ်၊ ဒီဇယ်တစ်လီတာကို ၂၆၉၀ ကျပ်နဲ့ ပရီမီယမ် ဒီဇယ်တစ်လီတာကို ၃၃၄၀ ကျပ် သတ်မှတ်ထားတာဖြစ်ပါတယ်။
အခုထုတ်ပြန်လိုက်တဲ့ ဈေးနှုန်းဟာ အောက်တိုဘာလ ၁၀ ရက်နဲ့နှိုင်းယှဉ်ရင်တော့ 92 တစ်လီတာကို ၁၄၅ ကျပ်၊ 95 တစ်လီတာကို ၁၅၅ ကျပ်၊ ဒီဇယ်တစ်လီတာကို ၁၂၀ ကျပ်နဲ့ ပရီမီယမ် ဒီဇယ်တစ်လီတာကို ၁၅၀ ကျပ် မြင့်တက်လာတာ ဖြစ်ပါတယ်။
အလားတူ နေပြည်တော် အပါအဝင် အခြားတိုင်းဒေသကြီးနဲ့ ပြည်နယ်တွေက မြို့ကြီးတွေရဲ့ စက်သုံးဆီ ရည်ညွှန်း လက်လီ ဈေးကလည်း အရင်နေ့ ပေါက်ဈေးထက် အနည်းငယ်မြင့်တက်လာတာကို တွေ့ရပါတယ်။
