မန္တလေးကျုံးဘေး၌ သီတင်းကျွတ်မီးထွန်းပွဲကျင်းပမည်
--------------------
မြန်မာ့ရိုးရာ သီတင်းကျွတ်မီးထွန်းပူဇော်ပွဲတော်ကို မန္တလေးကျုံးဘေးတစ်လျှောက်မှာ စည်ကားသိုက်မြိုက်စွာ ကျင်းပသွားမှာဖြစ်တယ်လို့ ပွဲတော်ဖြစ်မြောက်ရေး ကော်မတီကနေ သိရပါတယ်။
သီတင်းကျွတ်မီးထွန်းပွဲတော်ကို သီတင်းကျွတ်လပြည့်နေ့မှာ ကျင်းပသွားမှာဖြစ်ပြီး ပြည်သူတွေ ပျော်ရွှင်စွာ ပါဝင်ဆင်နွှဲနိုင်ဖို့နဲ့ စည်ကားသိုက်မြိုက် စွာ ကျင်းပနိုင်ဖို့အတွက် စီစဉ်ဆောင်ရွက်နေတယ်လို့ ဆိုပါတယ်။
ဒါ့အပြင် သီတင်းကျွတ်မီးထွန်းပွဲတော်မှာ တေးသီချင်းတွေနဲ့ ဧည့်ခံဖျော်ဖြေမှုတွေ၊ မြန်မာ့ရိုးရာအစားအသောက်တွေ အပါအဝင် စတုဒိသာကျွေးမွေး ဧည့်ခံ တာတွေနဲ့ အခြားအစီအစဉ်တွေကိုလည်း ထည့်သွင်းကျင်းပသွားမှာဖြစ်တယ်လို့ သိရပါတယ်။
ပြီးခဲ့တဲ့နှစ်ကလည်း မြန်မာ့ရိုးရာ သီတင်းကျွတ်မီးထွန်းပွဲတော်ကို မန္တလေးမြို့ နန်းမြို့ရိုး နဲ့ ကျုံးရေပြင်ကြား ရတနာပုံဥယျာဉ်မှာ ကျင်းပခဲ့တယ်လို့ သိရပါတယ်။
