လီဗာပူးဂိုးသမား အယ်လီဆန် ၁ လခန့်နားရမည်
---------------------
လီဗာပူးအသင်းရဲ့ ဘရာဇီးဂိုးသမား အယ်လီဆန်ဟာ ပဲလေ့စ်အသင်းနဲ့ပွဲမှာရခဲ့တဲ့ တံကောက်ကြော ဒဏ်ရာ ကြောင့် နိုဝင်ဘာ လလယ်လောက်အထိ အနားယူရမှာဖြစ်တယ်လို့ သိရပါတယ်။ ဘရာဇီးလက်ရွေးစင် အယ်လီဆန်ဟာ ပဲလေ့စ်အသင်းနဲ့ပွဲမှာ အဆိုပါဒဏ်ရာကို ရခဲ့ပြီးနောက် ပွဲချိန် ၇၉ မိနစ်မှာ လူစားလဲခံလိုက် ရတာဖြစ်ပါတယ်။
ဒဏ်ရာအခြေအနေအရ အယ်လီဆန်အနေနဲ့ အခုတစ်ပတ်ကစားမယ့် နိုင်ငံအသင်းပွဲစဉ်တွေ အပြီးမှာ ပြန်က စားနိုင်ဖို့ မဖြစ်နိုင်သေးဘဲ နိုဝင်ဘာ ၁၁ နဲ့ ၁၉ ရက် ကြားလောက်မှသာ လီဗာပူးအသင်းအတွက် ပြန်ကစား နိုင်ဖွယ်ရှိနေတယ်လို့ ခန့်မှန်းထားကြပါတယ်။ အယ်လီဆန်မပါနိုင်တဲ့ ကာလအတွင်း လီဗာပူး အသင်းဟာ ချဲလ်ဆီး ၊အာဆင်နယ်၊ ဘရိုက်တန်၊ ဗီလာစတဲ့အသင်းတွေနဲ့ ပရီးမီးယားလိဂ်ပွဲကစားဖို့ရှိသလို လိုက်ပ်ဇစ်၊ လေဗာကူဆင်တို့နဲ့ ချန်ပီယံလိဂ်ပွဲတွေလည်း ကစားဖို့ရှိနေတာပါ။
အဖျားရောဂါကြောင့် ပဲလေ့စ်နဲ့ ပွဲကို လွဲချော်ခဲ့ရတဲ့ ဂိုးသမား ကယ်လက်ဟာက အယ်လီဆန်ဒဏ်ရာရနေချိန် လီဗာပူးအသင်းဂိုးပေါက်ကို တာဝန်ယူဖွယ်ရှိနေပါတယ်။ ပြီးခဲ့တဲ့ရာသီက အယ်လီဆန်မပါနိုင်တဲ့ပွဲတွေမှာ ကယ်လက်ဟာက ကောင်းမွန်တဲ့ လက်စွမ်းတစ်ချို့ကို ပြသထားနိုင်ခဲ့တာဖြစ်ပါတယ်။
