အဆာပြေ #ဗီယက်နမ်ကော်ပြန့် လုပ်စားကြမယ် 😋 ပိတ်ရက်မှာ အချိန်လေးတွေပိုတုန်း၊ မိသားစုလည်း စုံတုန်း အသစ်အဆန်းတစ်ခုခုလုပ်စားကြည့်ချင်တယ်ဆိုရင် ဗီယက်နမ်ကော်ပြန့်လုပ်စားဖို့ အကြံပေးပါရစေ😍 လုပ်ရတာလည်း လွယ်ကူတယ်။ စားရတာလည်း အရသာရှိ၊ အာဟာရလည်း ပြည့်၀တယ်။ ဆီလည်း လုံး၀မသုံးရတော့ ကျန်းမာရေးအတွက် တကယ့်ကိုသင့်တော်တဲ့ အစားအစားတစ်ခုပါ။ သူ့အရသာက မြန်မာမှာဆိုရင် ကော်ပြန့်စိမ်းနဲ့ ခပ်ဆင်ဆင်ပါ 🙄🙄🙄 ပေါ့ပေါ့ပါးပါး လုပ်စားလို့ရတာမလို့ အခုပဲ လိုက်ပြီး လုပ်စားကြည့်ပါနော်

ပါဝင်ပစ္စည်းများ

ပုဇွန်-(၂၀) သား
ကြာဇံ- အထုပ်သေးတစ်ထုပ်
ဆလပ်ရွက်- တစ်စည်း
ဂေါ်ဖီထုပ် - တစ်ထုပ်
မုန်လာဥနီ- တစ်လုံး
ကြက်သွန်မိတ် - အနည်းငယ်
Rice paper ကော်ပြန့်ရွက်အနည်းငယ်
ဆား - အနည်းငယ်
ဆီ - အနည်းငယ်

ဗီယက်နမ်ကော်ပြန့်ကြော်နည်း
😋😋😋😋😋😋😋😋😋
၁။ ပထမဦးဆုံး ဆလပ်ရွက်နဲ့ ကြက်သွန်မိတ်တွေကို ရေနဲ့သေချာဆေးကြောထားပါ။
၂။ ပြီးရင် ပုဇွန်ကို ဆား၊ ဟင်းချိုမှုန့်တို့နဲ့ နယ်နပ်ပြီး ပြုတ်ထားပါ။ ပုဇွန်လေးတွေ ကွေးပြီး အရောင်ပြောင်းလာရင် အိုးထဲကနေ ဆယ်ထားပါ။
၃။ မုန်လာဥနီကို အချောင်းလိုက်ပါးပါးလေးတွေ လှီးပြီး ကြာဇံနဲ့ ဂေါ်ဖီထုပ်ကိုလည်း မထူမပါးလှီးပြီး ပြုတ်ထားပေးပါ။
၄။ ကော်ပြန့်ရွက်ကိုလည်း ရေနွေးနွေးနဲ့ စိမ်ထားပါ။ ပျော့တဲ့အနေအထားဆိုရင် ရပါပြီ။
၅။ အပေါ်မှာ ပြောထားတာတွေ ပြင်ဆင်ပြီးပြီဆိုရင် ဆလပ်ရွက်ကို အပြန့်လေးခင်းပြီး ကြာဇံ၊ ဂေါ်ဖီထုပ်၊မုန်လာဥနီနဲ့ကြက်သွန်မိတ်တို့ကိုထည့်ပြီး လိပ်ပါ။
၆။ နောက်ပြီးမှ ကော်ပြန့်အရွက်ကိုခင်းပြီး ခုနကလိပ်ထားတဲ့ ဆလပ်ရွက်အလိပ်ကို ထည့်လိပ်ပါ။ ပထမတစ်ချက်လိပ်ပြီးရင် ပုဇွန်လေးတွေကို ကော်ပြန့်ရွက်ပေါ်မှာ စီထည့်ပြီး ပြန်လိပ်ပါ။
၇။ ဒါဆိုရင် လှလှလေးနဲ့ ပေါ့ပေါ့ပါးပါး စားလို့ရမယ့် အဆာပြေဗီယက်နမ် ကော်ပြန့်လေး ရပါပြီ။ အရသာကလည်း တော့်တော့်ကို စားလို့ကောင်းပါတယ်။ Very Good ပါ

ဗီယက်နမ်ကော်ပြန့်လုပ်တဲ့နေရာမှာ ပုဇွန်တွေကို သိပ်အကြာကြီးမပြုတ်ပါနဲ့။ မာသွားတတ်လို့ပါ။ ပုဇွန်လေးတွေ ကွေးပြီး အရောင်ပြောင်းလာရင် ရပါပြီ။ တချို့က ကြာဇံနေရာမှာ မုန့်ဖတ်ထည့်လုပ်ကြပါတယ်။ မိမိစိတ်ကြိုက်ပါ။ ကော်ပြန့်လိပ်နည်း Video File တွေလည်း အများကြီးရှိပါတယ်။ လေ့လာကြည့်ပါ။ တို့စားတဲ့အချဉ်ရည်က မန်ကျည်းနှစ်နဲ့ ငရုတ်ဆီကို ရောပြီးစပ်လို့ရပါတယ်။

မိမိနှင့် မိမိ၏မိသားစု ကျန်းမာရေးအတွက် အချိုမှုန့်လျော့သုံးပေးပါ။