အကောင်းဆုံးစာရင်းတွင် မက်ဆီနှင့်ဆွာရက်ဇ် ပါဝင်
--------------------------
မေဂျာလိဂ်ပြိုင်ပွဲရဲ့ တစ်ရာသီအကောင်းဆုံးဆုအတွက် ဆန်ခါတင်စာရင်းမှာ အင်တာမိုင်ယာမီအသင်းရဲ့ တိုက်စစ် မှူးတွေဖြစ်ကြတဲ့ မက်ဆီနဲ့ ဆွာရက်ဇ်တို့ ပါဝင်ခဲ့ကြပြီး အကောင်းဆုံးဆုရဖို့အတွက် ထိပ်ဆုံးကနေ ရေပန်းစားနေ ကြပါတယ်။ မက်ဆီနဲ့ ဆွာရက်ဇ်တို့ နှစ်ယောက်စလုံးဟာ အခုဘောလုံးရာသီမှာ အင်တာမိုင်ယာမီအသင်း အတွက် ခြေစွမ်းပြနိုင်ခဲ့ကြသလို တစ်ရာသီအကောင်းဆုံးဆု ဆန်ခါတင်စာရင်းမှာလည်း ပါဝင်နိုင်ခဲ့ကြတာပါ။
မက်ဆီကတော့ အခုဘောလုံးရာသီ မေဂျာလိဂ်ပြိုင်ပွဲမှာ ဒဏ်ရာပြဿနာတွေကြောင့် အနားယူခဲ့ရပေမယ့် အင်တာမိုင်ယာမီအသင်းအတွက် (၂၁)ပွဲကစားခဲ့ရာမှာ (၁၉)ဂိုးသွင်းကာ (၁၂)ဂိုး ဖန်တီးနိုင်ခဲ့ပါတယ်။ အခုရာသီမှ အင်တာမိုင်ယာမီအသင်းကို ပြောင်းရွှေ့လာခဲ့တဲ့ ဆွာရက်ဇ်ကလည်း အသင်းအတွက် (၃၃)ပွဲကစားခဲ့ရာမှာ (၂၂)ဂိုး သွင်းယူကာ (၁၀)ဂိုး ဖန်တီးနိုင်ခဲ့ပါတယ်။
မက်ဆီဟာ ပြီးခဲ့တဲ့ဘောလုံးရာသီက မေဂျာလိဂ်ပြိုင်ပွဲရဲ့ တစ်ရာသီ အကောင်းဆုံးဆု ဆန်ခါတင်စာရင်းမှာ ပါဝင် ခဲ့ပေမယ့် မရရှိခဲ့ဘဲ အခုရာသီမှာလည်း ထပ်မံပါဝင်လာခဲ့တာ ဖြစ်ပါတယ်။ မေဂျာလိဂ်ပြိုင်ပွဲရဲ့ တစ်ရာသီအ ကောင်းဆုံးဆုအတွက် မဲပေးမှုတွေကိုတော့ လာမယ့်အောက်တိုဘာ(၂၁) ရက်အထိ ဖွင့်လှစ်ထားတယ်လို့ သိရပါတယ်။
