တရုတ် တက်ဘလက် ဈေးကွက်မှာ Huawei ကို မယှဉ်နိုင်တဲ့ Apple
=======================================

Apple ဟာ တရုတ် တက်ဘလက် ဈေးကွက်မှာ Huawei ကို မယှဉ်နိုင်ပါဘူး။ Canalys ရဲ့ စစ်တမ်းမှာ Huawei ဟာ ကွာတား ၂ ခု ဆက်တိုက် Apple ထက် တက်ဘလက် ရောင်းအားပိုကောင်းတယ်လို့ ဖော်ပြထားပါတယ်။

Huwei ဟာ ဒီနှစ် ကွာတား ၂ မှာ ဈေးကွက်ဝေစု ၂၆ ရာခိုင်နှုန်းရခဲ့ပြီး တက်ဘလက် ၂၀.၅ သန်း ရောင်းချနိုင်ခဲ့ပါတယ်။ အရင်နှစ်ကထက် ရောင်းအား ၆၆ ရာခိုင်နှုန်း တိုးတက်ခဲ့ပြီး နံပါတ် ၁ ရောင်းအား အကောင်းဆုံးဖြစ်ခဲ့ပါတယ်။

Apple ကတော့ ကွာတား ၂ မှာ တက်ဘလက် ၂၀.၁ သန်း ရောင်းချနိုင်ခဲ့ပြီး အရင်နှစ်ကထက် ရောင်းအား ၁၄ ရာခိုင်နှုန်း ကျဆင်းသွားပါတယ်။

တရုတ်မှာ Huawei ရဲ့ MatePad Series တက်ဘလက်တွေဟာ လူကြိုက်များပြီး မကြာခင်က ရောင်းချခဲ့တဲ့ MatePad Pro 12.2 ဟာ တရုတ်မှာ အောင်မြင်နေပါတယ်။

တရုတ် တက်ဘလက် ဈေးကွက်မှာ Huawei နဲ့ Apple တို့ပြီးနောက် ရောင်းအားကောင်းနေတာက Xiaomi နဲ့ Honor တို့ ဖြစ်ပါတယ်။ Xiaomi ဟာ ကွာတား ၂ မှာ တက်ဘလက် ၉.၂၅ သန်း နဲ့ Honor က ၆.၅ သန်း ရောင်းချနိုင်ခဲ့ပါတယ်။