ဘောလုံးပြန်ကစားနိုင်၍ ဒီဂျောင် ပျော်ရွှင်
-------------------
ခြေကျင်းဝတ်ဒဏ်ရာကြောင့် ၆ လနီးပါးအနားယူခဲ့ရပြီးနောက် ဘောလုံးပြန်ကစားနိုင်ခဲ့တဲ့အတွက် ပျော်ရွှင်မိ တယ်လို့ ဘာစီလိုနာကွင်းလယ်လူ ဒီဂျောင်က ပြောကြားလိုက်ပါတယ်။ ဒီဂျောင်ဟာ ပြီးခဲ့တဲ့ရာသီက ရီးရဲလ် အသင်းနဲ့ ကစားခဲ့တဲ့ လာလီဂါပွဲစဉ်မှာ ခြေကျင်းဝတ်ဒဏ်ရာရခဲ့ပြီးနောက် ကာလရှည်အနားယူခဲ့ရသလို နယ်သာလန်အသင်းရဲ့ ယူရို ၂၀၂၄ ပြိုင်ပွဲကိုလည်း လွဲချော်ခဲ့ရတာပါ။
အခုရာသီမှာတော့ ဒီဂျောင်ဟာ ဒဏ်ရာ ပြဿနာကနေ ပြန်လည်သက်သာလာခဲ့သလို အသင်းနဲ့အတူ လေ့ကျင့်မှု တွေ ပြုလုပ်လာနိုင်ခဲ့တာ ဖြစ်ပါတယ်။ အောက်တိုဘာ ၂ ရက်ညက ကစားခဲ့တဲ့ ယန်းဘွိုင်းစ်အသင်းနဲ့ ချန်ပီယံ လိဂ်ပွဲစဉ်မှာတော့ ဒီဂျောင်ဟာ အသင်း ဆေးအဖွဲ့ရဲ့ခွင့်ပြုချက်နဲ့ လူစာရင်းမှာပါဝင်ခွင့်ရခဲ့ပြီး ဒုတိယပိုင်းမှာ လူစား ဝင်ကစားခွင့်ရခဲ့ပါတယ်။
ပွဲကစားချိန် ၁၅ မိနစ်ကျော်သာ ကစားခဲ့ရပေမယ့် ကာလရှည်အနားယူခဲ့ရပြီးနောက် ပြန်ကစားရတာဖြစ်လို့ စိတ်လှုပ်ရှားမိ သလို ပျော်ရွှင်ရပါတယ်လို့ ဒီဂျောင်က ပြောသွားခဲ့ပါတယ်။ ဒဏ်ရာကြောင့် အနားယူနေရချိန်မှာ ဘာစီလိုနာ အနာဂတ်နဲ့ပတ်သက်လို့ သတင်းတွေထွက်ခဲ့ပေမယ့် ဒီဂျောင်ကတော့ လက်ရှိအချိန်မှာ အကောင်းဆုံး ပြန်ကစား နိုင်ဖို့ကိုပဲ အာရုံစိုက်ထားတယ်လို့ ပြောသွားခဲ့ပါတယ်။
