တစ်ရက်အတွင်း အိမ်ထောင်စု ၉ သောင်းနီးပါးကို သန်းခေါင်စာရင်းကောက်ယူနိုင်ခဲ့
-------------------------
၂၀၂၄ ခုနှစ် လူဦးရေနှင့်အိမ်အကြောင်းအရာသန်းခေါင်စာရင်းကို အောက်တိုဘာလ ၁ ရက်နေ့က စတင်ကောက် ယူနေတာဖြစ်ပြီး တစ်ရက်အတွင်း အိမ်ထောင်စု(၉)သောင်းနီးပါးကို သန်းခေါင်းစာရင်းကောက်ယူနိုင်ခဲ့တယ်လို့ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနကနေ သိရပါတယ်။
တစ်ရက်အတွင်း ဆာဗာကို ပေးပို့လာတဲ့ အချက်အလက်တွေအရ နေပြည်တော်အပါအဝင် တိုင်းဒေသကြီးနဲ့ ပြည်နယ်အားလုံးမှာ အိမ်ထောင်စုပေါင်း (၈၈၀၀၀)ကျော်နဲ့ လူဦးရေစုစုပေါင်း (၃၉၀၀၀၀)ကျော်ကို စာရင်း ကောက်ယူခဲ့ပြီးဖြစ်တယ်လို့ ဆိုပါတယ်။ စာရင်းကောက်ယူဖို့ကျန်ရှိနေတဲ့ အိမ်ထောင်စုတွေကိုလည်း ဆက်လက် ကောက်ယူသွားမှာဖြစ်ပြီး စာရင်းကောက်ယူမယ့်ရက်ကိုလည်း ကြိုတင်အကြောင်းကြားပေးသွားမှာဖြစ်ပါတယ်။
ဒါ့အပြင် ပြည်သူတွေအနေနဲ့ မိမိတို့နေအိမ် ကို သန်းခေါင်စာရင်းလာရောက်မကောက်ယူရင် သက် ဆိုင်ရာ ရပ်ကွက်၊ ကျေးရွာ အုပ်ချုပ်ရေးမှူးတွေကတစ်ဆင့် မြို့နယ်သန်းခေါင်စာရင်းကော်မတီတွေကို ဆက်သွယ် သတင်းပေးပို့ပါက လာရောက်စာရင်းကောက်ယူမှာ ဖြစ် တယ်လို့ ဆိုပါတယ်။ ၂၀၂၄ ခုနှစ် သန်းခေါင်စာရင်းရဲ့ ရှေ့ပြေးလူဦးရေစာရင်းကို လာမယ့် ဒီဇင်ဘာလကုန်မှာ ထုတ်ပြန်နိုင်ရေး ကြိုးပမ်းဆောင်ရွက်နေတယ်လို့လည်း နစက သတင်းထုတ်ပြန်ရေးအဖွဲ့က ထုတ်ပြန်ထားပါတယ်။ ၂၀၁၄ခုနှစ် လူဦးရေနှင့်အိမ်အကြောင်းအရာ သန်း ခေါင်စာရင်းအရ မြန်မာနိုင်ငံမှာ အိမ်ထောင်စုပေါင်း ၁၀ ဒသမ ၈၈ သန်းရှိတယ်လို့ သိရပါတယ်။
