😋#ကိုကာကိုလာနဲ့ကြော်တဲ့ကြက်ကြော်

အရမ်းမိုက်ပြီး လုပ်ရလွယ်ကူ စားလို့ကောင်း
(ဆီလုံးဝမပါတဲ့)ကိုကာကိုလာနဲ့ ကြော်တဲ့ ကြက်ကြော်လေးပါရှင့်

ပြုလုပ်နည်း

ကြက်သား ၄တုံး
ကိုကာကိုလာ ဘူးသေးတဘူး
ကြက်သွန်ဖြူအကြီး ၃မွှာ
(အစပ်ကြိုက်ရင် အနီရောင်ငရုတ်သီးစိမ်းလေးတွေပါးပါးလေး တခါတည်းညှပ်ထည့်လို့ရပါတယ်နော်)

ကြက်သားကိုရေဆေး...ပြီးရင်
ကြက်သားမှုန့် လက်ဖက်စားတဇွန်း ထည့်ပြီး သမအောင်နယ်
ကြက်သွန်ဖြူ၃မွှာကို ခပ်ကြီးကြီးလှီးပြီး ကြက်သားထဲထည့်ပါ..(အတုံးလိုက်ပါနော်)
ပြီးရင် ကြက်သားထည့်ထားတဲ့အိုးထဲ ကိုကာကိုလာတဘူးလုံးလောင်းထည့်ပါမယ်

မီးဖိုပေါ်တင်ပြီး အရည်ခမ်းသည်အထိချက်ပါ..
ရေလည်းခမ်းပြီး ကြက်သားလေးတွေနူးအိပြီး ညိုရဲလာရင်
ကြက်သွန်ဥနဲ့တကွ ပန်းကန်ထဲဆယ်ထည့်ပြီး အပေါ်ကနေ နှမ်းလေးဖြူး ခက်ရင်းလေးနဲ့ထိုးပြီးစားပေတော့ပဲ...

ကဲ..ဆီမလို..ဆားမလို..ဘာအဆာပလာအများကြီးထည့်စရာမလို
လုပ်ရလွယ်ပြီး ချိုချိုလေးနဲ့ ကြက်သွန်ဥကအစ အရသာဆိမ့်ပြီးချိုလို့ စားလို့သိပ်ကောင်းတာနော်

ကိုကာကိုလာကြက်ကြော်ကို ကိုကာကိုလာအချိုရည်နဲ့အရမ်းလိုက်မှလိုက်
ဘီယာလေးနဲ့မြည်းဦးမလား..အို..ပိုတောင်မိုက်

(တခုတော့ရှိတယ်..သူက အရည်ခန်းခါနီးလေ တူးနံ့လိုမျိုး အနံ့ထွက်လေပဲ..ဒါပေမဲ့စိတ်မပူပါနဲ့နော်..အချိုရည်ခမ်းလို့ထွက်လာတဲ့အနံ့ပါ..ကြက်သားလုံးဝမတူးပါဘူးနော်)

နိုင်ငံခြားက videoလေးတွေလုပ်ပြထားတာလေးတွေကြည့်ရင်း စားချင်လာလို့လုပ်စားရင် ကိုယ့်❤တို့ အဆင်ပြေစေဖို့ ပြန်လည်မျှဝေပေးတာပါရှင်...