လယ်ဝေးတွင် လျှပ်စစ်ဓာတ်အားပြန်လည်ဖြန့်ဖြူးပေးနေ
-------------------------
ပြည်ထောင်စုနယ်မြေ နေပြည်တော် လယ်ဝေးမြို့နယ်အတွင်း ရေကြီးနစ်မြုပ်မှုတွေကြောင့် လျှပ်စစ်ဓာတ်အား ပြတ်တောက်ခဲ့ရာ (၂)ပတ်အတွင်း လျှပ်စစ်ဓာတ်အား ပြန်လည်ဖြန့်ဖြူးပေးနိုင်ခဲ့တယ်လို့ လျှပ်စစ်စွမ်းအားဝန်ကြီး ဌာနကနေ သိရပါတယ်။ ဓာတ်အားပြတ်တောက်သွားတဲ့ ကျေးရွာတွေကို ဓာတ်အားပြန်လည်ပို့လွှတ်နိုင်ရေး အတွက် စက်တင်ဘာ ၁၆ ရက်ကစပြီး လုပ်ငန်းတွေ ဆောင်ရွက်ခဲ့ကြတာပါ။
စက်တင်ဘာ(၂၆)ရက်မှာ ကျေးရွာ (၁၃)ရွာကို လျှပ်စစ်ဓာတ်အား ပြန်လည်ဖြန့်ဖြူး ပေးနိုင်ခဲ့တာ ဖြစ်တယ်လို့ သာဝတ္ထိ လျှပ်စစ်ဓာတ်အား ဖြန့်ဖြူး ရေးလုပ်ငန်းကနေ သိရပါတယ်။ လျှပ်စစ်ဓာတ်အားပြန်လည်ရရှိတဲ့ ကျေးရွာ တွေကတော့ လယ်ဝေးမြို့နယ် အတွင်းက လက်ပံတန်း၊ ကြို့ပင်သာ၊ သစ်ခေါက်ခွ၊ ကြို့တန်း၊ ဆီဆုံကုန်း၊ ပေါက်မြိုင်၊ ရေလဲပေါက်၊ ဘို့ကိုးလုံး၊ ရေနီလေး၊ မြောင်းမြ၊ အင်ပင်တဲစု၊ နှစ်ဆောင်မြိုင်နဲ့ ညောင်ပင်အိုင်ကျေးရွာ တွေ ဖြစ်တယ်လို့ သိရပါတယ်။
