ဘဝထဲကနေ ပယ်ချလိုက်တဲ့
list ကိုပြန်ကြည့်မိတော့
အချစ်ဆုံးဖြစ်ခဲ့တဲ့ လူတစ်ချို့ ရှိနေတယ်။
ကျွန်မက ပုံမှန်ဆိုသည်းခံတတ်တဲ့ လူထဲမှာပါတယ်
သည်းခံနိုင်တဲ့ limitကို မပြည့်မချင်း ဒီလူဟာ ဘဝထဲမှာ လွတ်လွတ်လပ်လပ်နေနိုင်တယ်။
ကျော်သွားတဲ့ အချိန်ရောက်ပြီ ဆိုရင်တော့ ဘယ်လိုဖြစ်တည်မှုမျိုးနဲ့ တည်ရှိနေတဲ့ သူဖြစ်ပါစေ ဘဝထဲက ကျွန်မကိုယ်တိုင်ဆွဲထုတ်ပစ်ရဲတဲ့ သတ္တိမျိုးလည်းရှိတယ်။
"သူကတော့ ငါ့ဘဝရဲ့မရှိမဖြစ်မို့ သူဘာပဲလုပ်ပါစေ ငါခွင့်လွှတ်မယ်" ဆိုတဲ့အသည်းနှလုံး ကျွန်မမှာမရှိဘူး။
ဘယ်လို လူမျိုးဖြစ်ပါစေ
သည်းခံနိုင်မှု ခွင့်လွှတ်နိုင်မှု limitတွင်းမှာပဲ
အကြိမ်ကြိမ်မှားခွင့်ရှိမယ် ပြင်ဆင်ခွင့်ရှိမယ်။
တစ်ချို့က ကျွန်မရဲ့
ခွင့်လွှတ်နိုင်ခြင်းအတိုင်းအတာကိုကျော်သွားခဲ့ကြတယ်။
စိတ်မကောင်းတာ တစ်ခုကတော့ ကျွန်မတို့ရင်ထဲမှာ တကူးတကထည့်ထားတတ်တဲ့ လူတစ်ချို့ကပဲ ကျွန်မတို့ကို အကြိမ်ကြိမ် နာကျင်စေခဲ့ကြတယ်ဆိုတာပါပဲ ....
#ကူးယူသည်။
