၂၃.၉.၂၀၂၄ မှ ၂၉.၉.၂၀၂၄ အတွင်း (၇)ရက်သားသမီးများအတွက် အဟောများ
တနင်္ဂနွေသားသမီးများ
ငွေကြေးအကြပ်အတည်းကြုံတတ်၍မိသားစုအတွက်ငွေကုန်ကြေးကျများနေတတ်မည်။ ပညာသင်အရွယ်များအတွက် ပညာရေးကံကောင်းနေမည်။ သို့သော် ပညာရေးပေါ်စိတ်မရောက်ပဲ စိတ်လေနေတတ်ခြင်းမျိုး သတိပြုရမည်။ အိမ်ထောင်ရေးအဆင်မပြေ, အိမ်ထောင်ဖက်နှင့်စိတ်အခန့်မသင့် ပဋိပက္ခသဘောကြုံနေရတတ်သည်။ တင်းလွန်းကပြတ်ဟူသော သဘောတရားကိုသတိပြုပါ။ ကျန်းမာရေးတွင် သွေးတိုးအာရုံကြောရောဂါ အစာမကြေရောဂါတို့ကိုသတိပြုပါ။
ယတြာ - တနင်္ဂနွေနေ့တွင် ဘုရားတနင်္ဂနွေထောင့်တွင် ယပ်အနီ(၈)လက်လှူပါ။
တနင်္လာသားသမီးများ
လုပ်ငန်းများ များသောအားဖြင့် အဆင်ပြေနေမည်။ ငွေကြေးကံကောင်းနေမည်။ ပညာသင်အရွယ်များ ပညာရေးကံကောင်းနေ၍ ပညာတစ်မျိုးမကသင်ယူခွင့်ကြုံမည်။ အိမ်ထောင်ရေးကံကောင်း၍ မိသားစုသင့်မြတ်မှုရှိမည်။ နာမည်ဂုဏ်သတင်းကောင်းဖြင့် ထင်ပေါ်မည်။ ကျန်းမာရေး သာမန်အညံ့မျိုးသားရှိတတ်၍ အစားမှားခြင်း ဆေးမှားသောက်ခြင်း မျက်စိအားနည်းခြင်း (မျက်စိရောဂါ) သတိပြုရမည်။
ယတြာ - စေတီတစ်ဆူ၏ ဗုဒ္ဓဟူးထောင့်တွင် တံခွန် ၇လက်လှူ၍လိုရာဆုတောင်းပါ။
အင်္ဂါသားသမီးများ
လုပ်ငန်းတွင်အခက်အခဲများကြုံရတတ်မည်။ ငွေကြေးရစရာများနှောင့်နှေး၍ ကြန့်ကြာနေတတ်၍ ငွေကြေးကြပ်တည်းမည်။ ၂၇ရက်နောက်ပိုင်းငွေကြေးအဆင်ပြေမည်။ ပညာသင်အရွယ်များ ပညာရေးကံညံ့တတ်မည်။ အချစ်ရေးကြောင့် ပညာရေးဘက်စိတ်မပါဖြစ်နေတတ်မည်။ ကျန်းမာရေးညံ့၍ ဆေးရုံဆေးခန်းပြရတတ်မည်။ ရင် ဝမ်းဥပဒ်ပေးတတ်မည်။ အိမ်ထောင်ရေးအဆင်ပြေစိတ်ချမ်းသာနေမည်။
ယတြာ - စေတီတစ်ဆူ၏ တနင်္ဂလာထောင့်တွင် နှင်းဆီအနီ ၃ပွင့်ကပ်လှူ၍ လိုရာဆုတောင်းပါ။
ဗုဒ္ဓဟူးသားသမီးများ
လုပ်ဆောင်သော လုပ်ငန်းကိစ္စများ တစ်ခါတည်းနှင့် အပြီးမသတ်နိုင်ပဲ အကြိမ်ကြိမ်ပြန်လုပ်နေရတတ်သည်။ (၂၅)ကျော်ပြီးလျှင် အဆင်ပြေပြီးမြောက်သွားပါမည်။ ငွေကြေးများ ရင်းနှီးမြုပ်နှံမှုထဲတွင် မြှုပ်နေတတ်၍ ငွေကြေးအကြပ်အတည်းကြုံနေရတတ်သည်။ ၂၆ရက်မှ ၂၉ရက်အတွင်း ငွေပြန်ပေါ်မည်။ အိမ်ထောင်ရေးတွင် ကြားလူနှောင့်ယှက်၍ အဆင်မပြေဖြစ်ရတတ်သည်။ ကျန်းမာရေး သတိပြုစရာများရှိသည်။ အစာလမ်းကြောင်း ဆီးလမ်းကြောင်း ကျောက်ကပ်ရောဂါများထဲမှ သတိပြုပါ။
ယတြာ - စေတီတစ်ဆူ တနင်္ဂလာထောင့်တွင် ယပ်အနီ ၈လက်လှူ၍ လိုရာဆုတောင်းပါ။ တနင်္လာနေ့တွင်ဆောင်ရွက်ပါ။
ကြာသပတေးသားသမီးများ
ငွေကြေးကံသင့်တင့်စွာ ကောင်းမွန်နေမည်။ သို့သော် ရစရာရှိသည်များ ရက်အနည်းငယ်နှောင့်နှေးပြီးမှ ရတတ်မည်။ လုပ်ငန်းမတည်ငြိမ်ခြင်းမျိုးရှိတတ်မည်။ လုပ်ငန်းတွင် တုံ့ဆိုင်းမှုအချို့ကြုံတွေ့ရတတ်မည်။ အိမ်ထောင်ရေး အဆင်ပြေနေမည်။ ကျန်းမာရေးသတိပြုပါ။ ခွဲစိတ်ကုသရမည့် ရောဂါမျိုးခံစားရတတ်သည်။ ယာဥ် ကားထိခိုက်အနာတရဖြစ်မှု သတိပြုပါ။ ပညာသင်အရွယ်များ ပညာရေးကံကောင်းမွန်နေမည်။
ယတြာ - စေတီတစ်ဆူ၏ ဗုဒ္ဓဟူးထောင့်တွင် ဗုဒ္ဓဟူးနေ့မွန်းလွဲပိုင်း၌ စံပယ်၅ကုံးလှူဒါန်း၍ လိုရာဆုတောင်းပါ။
သောကြာသားသမီးများ
စိတ်ရှုပ်စိတ်ညစ် စိတ်ဖိစီးမှုခံရတတ်သည်။ အတွေးရှုပ် အတွေးလွန်၍ အိပ်မပျော်နိုင်ဖြစ်နေတတ်၍ ခေါင်းကိုက်သလိုလို အစာမကြေသလိုလို အကြောတတ်သလိုလိုနှင့် ရောဂါရှာမရသော ရောဂါမျိုး ခံစားရတတ်မည်။ အလုပ်တွင်လည်း အလုပ်သမားမမြဲမှုကြုံရတတ်သည်။ ငွေကြေးကိစ္စတွင်လည်း ယာယီအကြပ်အတည်းပေါ်နေတတ်သည်။ ကျန်းမာရေးတွင် အသက်ရှူလမ်းကြောင်းလည်း လည်မျိုတွင်းရောဂါ အစာအိမ်ရောဂါမျိုးထဲမှ သတိပြုပါ။
ယတြာ - စေတီတစ်ဆူ၏ သောကြာထောင့်တွင် သောကြာနေ့ နံနက်ပိုင်း၌ အောင်လံ၆လက်နှင့် တံခွန်၉လက်တွဲလှူကာ လိုရာဆုတောင်းပါ။
စနေသားသမီးများ
အလုပ်ရှုပ်၍ လုပ်ငန်းတစ်ခုမက လုပ်နေရ၍ လူပင်ပန်းစိတ်ပင်ပန်းဖြစ်နေရတတ်သည်။ လုပ်ငန်းအောင်မြင်တိုးတက်မှု သင့်တင့်စွာကြုံမည်။ ငွေကြေးကံသင့်တင့်စွာရရှိနေမည်။ အိမ်ထောင်ရေးတွင် အိမ်ထောင်ဘက်၌ အမျိုးသမီးအနှောင့်အယှက်ကြုံနေတတ်၍ သတိပြုရမည်။ လိမ္မာပါးနပ်စွာ နေနိုင်ဖို့ ကြိုးစားပါ။ ပညာသင်အရွယ်များ ပညာရေးကံကောင်းမွန်နေမည်။ သို့သော် ပညာရေးဘက်စိတ်ဝင်စား အလေးမထားနိုင်ဖြစ်နေရတတ်မည်။ ကျန်းမာရေးအထူးညံ့၍ ဆေးရုံတက်ရသည်အထိကြုံရတတ်မည်။ လိပ်ခေါင်း အစာလမ်းကြောင်း ဆီးရောဂါများထဲမှ သတိပြုပါ။
ယတြာ - ကြာသပတေးနေ့မွန်းလွဲပိုင်းတွင် စေတီတစ်ဆူ၏ ကြာသပတေးထောင့်၌ ထီး၁၀လက်လှူဒါန်းပြီး လိုရာဆုတောင်းပါ။
#crd_ဆရာဝင်းမင်း(B.Sc)
