ပေါင်းလောင်းဆည်ခိုင်ခံမှု စိုးရိမ်ဖွယ်ရာမရှိဟုထုတ်ပြန်
+++++++++++++++++++++++
ပြည်ထောင်စုနယ်မြေနေပြည်တော်မှာရှိတဲ့ ပေါင်းလောင်းဆည်ဟာ ခိုင်ခံမှုအနေနဲ့ စိုးရိမ်ဖွယ်ရာမရှိဘူးလို့ နိုင်ငံတော်စီမံအုပ်ချုပ်ရေးကောင်စီ သတင်းထုတ်ပြန်ရေးအဖွဲ့က ထုတ်ပြန်ပါတယ်။
လတ်တလောထွက်ပေါ်နေတဲ့ ပေါင်းလောင်းဆည်ကျိုးမယ်ဆိုတဲ့သတင်းဟာ လုံးဝဖြစ်နိုင်ချေမရှိဘူးလို့ထုတ်ပြန်ပါတယ်။ တမံဟာ ကျောက်သားနဲ့တည်ဆောက်ထားတဲ့ Rock Fill Dam အမျိုးအစားတမံဖြစ်တယ်လို့ဆိုပါတယ်။
တမံ အမြင့် ပေ၄၃၀ နဲ့ အလျား ပေ ၃၁၀၀ ရှိပြီးတော့ ရေကျော်နေတဲ့ ရေပိုလွှဲကလည်း အကျယ် ၄၆၁ ပေရှိတယ်လို့သိရပါတယ်။ရေပိုလွှဲရဲ့ ရေကျော်နိုင်တဲ့ ခံနိုင်ရည်အားဒီဇိုင်းတွက်ချက်မှုအရ ၂၁ ပေ ရေကျော်နိုင်တာဖြစ်ပြီး လက်ရှိရေကျော်နေတာက ၆.၃ ပေ ရှိတာကြောင့် စိုးရိမ်ဖွယ်မရှိဘူးလို့ ထုတ်ပြန်ထားပါတယ်။
လက်ရှိအခြေအနေမှာ တမံထိပ်ပြင်ရောက်ဖို့ဆိုရင် အမြင့် ၃၆ ပေလောက် လိုနေသေးရာ အခုလောက်အထိတက်လာဖို့လည်း မဖြစ်နိုင်ဘူးလို့တယ်လို့ဆိုပါတယ်။ ရေပိုလွှဲမှာ ရေကျော်နေတဲ့ အသိပေးတဲ့ အလံအစိမ်းသာထောင်ထားတာဖြစ်ပြီး အလံအနီနဲ့ Red Alert လုပ်ထားတာလုံးဝမရှိဘူးလို့ ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာနမှ သိရပါတယ်။
ဆည်မှာ ရာဂီမုန်တိုင်းမိုးကြောင့် ရေပိုလွှဲပေါ်က ၁၁.၈၇ ပေအထိ အမြင့်ဆုံးကျော်ခဲ့ပြီး အခုရေပြန်ကျနေပြီလို့သိရပါတယ်။
နေပြည်တော်မှာ ဆည်တမံ ၁၂ခုရှိတဲ့အနက် မုန်၊ ငလိုက်နဲ့ ပေါင်းလောင်း တို့ဟာရေကျော်နေပြီး ပေါင်းလောင်းဆည်ဟာ အများဆုံးရေကျော်နေတာဖြစ်ပါတယ်။
