ဗြိတိန်အိုလံပစ်ကစားသမားများကို ဝန်ကြီးချုပ် တွေ့ဆုံ
--------------------
ဗြိတိန်ဝန်ကြီးချုပ် စတာမာဟာ ၂၀၂၄ ပဲရစ်အိုလံပစ်ပြိုင်ပွဲဝင် ဗြိတိန်အိုလံပစ်အသင်းနဲ့ ဗြိတိန်မသန်စွမ်းအိုလံပစ် ပြိုင်ပွဲဝင်တွေကို ဒေါင်းနင်းလမ်းနေအိမ်မှာ လက်ခံတွေ့ဆုံခဲ့ပါတယ်။ ဗြိတိန် အိုလံပစ်အသင်းဟာ ၂၀၂၄ ပဲရစ် အိုလံပစ်ပြိုင်ပွဲမှာ ဆုတံဆိပ် ၆၅ ခုရခဲ့သလို မသန်စွမ်းအိုလံပစ်ပြိုင်ပွဲမှာ ဗြိတိန်မသန်စွမ်းအိုလံပစ်အသင်းက ဆုတံဆိပ် ၁၂၄ ခုရရှိခဲ့ပြီး စုစုပေါင်း ဆုတံဆိပ် ၁၈၉ ခုအထိ ရရှိခဲ့တာပါ။
အိုလံပစ်ပြိုင်ပွဲတစ်လျှောက် ဗြိတိန် အိုလံပစ်အသင်းအတွက် အအောင်မြင်ဆုံး ပြိုင်ပွဲတစ်ခုဖြစ်စေခဲ့တာကြောင့် အိုလံပစ်ပြိုင်ပွဲဝင်တွေနဲ့ မသန်စွမ်း အိုလံပစ်ပြိုင်ပွဲဝင်တွေကို ကျေးဇူးတင်မိတယ်လို့ ဗြိတိန်ဝန်ကြီးချုပ် စတာမာ က အမှာစကားပြောကြားရာမှာ ထည့်သွင်းပြောသွားခဲ့ပါတယ်။ အခုလိုအိုလံပစ်ပြိုင်ပွဲမှာ အောင်မြင်မှုရအောင် ကြိုးစားပေးခဲ့တဲ့ ကစားသမား တွေရဲ့ စိတ်ဓာတ်ခွန်အားနဲ့ စွမ်းဆောင်ရည်တွေက နောင်လာနောက်သားတွေ အတွက် အတုယူစရာဖြစ်မှာ သေချာတယ်လို့လည်း ဗြိတိန်ဝန်ကြီးချုပ် စတာမာက ဆက်လက်ပြောကြားခဲ့ပါ တယ်။
ဗြိတိန်ဝန်ကြီးချုပ် စတာမာဟာ အိုလံပစ်ဖွင့်ပွဲနဲ့ မသန်စွမ်းအိုလံပစ် ဖွင့်ပွဲအခမ်းအနားတွေကို တက်ရောက်ခဲ့ပြီး ဗြိတိန်အိုလံပစ် အသင်း ချီတက်လာချိန်မှာ အံ့ဩဝမ်းသာတဲ့ ခံစားမှုမျိုးကို ခံစားခဲ့ရတယ်လို့လည်း ဖွင့်ဟသွားခဲ့ပါ တယ်။
