ဇနီးသည်ကို မူးယစ်ဆေးကျွေးပြီး လိင်ပိုင်းစော်ကားမှု တရားခံဝန်ခံ
---------------------
ခင်ပွန်းဟောင်းက သူမ မူးယစ်နေချိန်မှာ လိင်ပိုင်းစော်ကားဖို့ လူစိမ်းတွေကို စည်းရုံးပို့ဆောင်ခဲ့တယ်လို့ ပြင်သစ် အမျိုးသမီး ဂီစီလီ ပဲလက်ခါက ခင်ပွန်းဖြစ်သူကို စွပ်စွဲထားပါတယ်။ အဲဒီအမှုနဲ့ပတ်သက်ပြီး ကြားနာမှုကို စက်တင် ဘာ ၁၇ ရက်က ပြန်လည်စတင်ခဲ့ပါတယ်။ ခင်ပွန်းဖြစ်သူ ဒိုမီနစ် ပဲလက်ခါက ဇနီးဖြစ်သူကို မူးယစ်ဆေးကျွေးပြီး သူမကို အဓမ္မပြုကျင့်ဖို့ လူစိမ်းဒါဇင်ပေါင်းများစွာကို ဆယ်စုနှစ်တစ်ခုနီးပါး စည်းရုံးခဲ့တယ်လို့ ဝန်ခံခဲ့ပါတယ်။
ပြင်သစ်တရားရုံးမှာ ဒိုမီနစ်က သူဟာ မုဒိမ်းသမားဖြစ်တယ်လို့ ပြောဆိုခဲ့ပြီး ဂီစီလီ့မိသားစုက သူ့အပေါ် ခွင့်လွှတ် ပေးဖို့ တောင်းပန်ခဲ့ပါတယ်။ ဒိုမီနစ်ရဲ့ရှေ့နေက တရားခံရဲ့ ပြောဆိုချက်ကို အနက်ဖွင့်ဆိုဖို့က တရားရုံးရဲ့တာဝန် ဖြစ်ပြီး သူ့အမှုသည်က ကိုယ်တိုင် ရှင်းပြကာ တာဝန်ကို ရှောင်တိမ်းလိုခြင်းမရှိတာကို ပြသလို့ ဝမ်းမြောက်မိ ကြောင်း ပြောဆိုခဲ့ပါတယ်။
ဒိုမီနစ် ပဲလက်ခါရဲ့ ထွက်ဆိုချက်ကို ကြားနာမှုဟာ ပြင်သစ်နိုင်ငံရဲ့ မကြာသေးခင်က သမိုင်းမှာ အံ့မခန်းအကြီး ကျယ်ဆုံး ရာဇဝတ်မှုဆိုင်ရာ စုံစမ်းစစ်ဆေးမှုတစ်ခု ဖြစ်ပါတယ်။ ဒိုမီနစ်ရဲ့ ကျန်းမာရေး ဆိုးရွားမှုကြောင့် ပြီးခဲ့တဲ့ သီတင်းပတ်က ရွှေ့ဆိုင်းခဲ့ရတဲ့ ကြားနာမှုကို အခု ဆက်လက် ပြုလုပ်ခဲ့တာဖြစ်ပါတယ်။ သူဟာ မုဒိမ်းမှု၊ အုပ်စုဖွဲ့ မုဒိမ်းမှုနဲ့ လိင်ပိုင်းဆိုင်ရာ ပုံရိပ်တွေကို မှတ်တမ်းတင် ဖြန့်ဝေမှုဆိုတဲ့ စွဲချက်များစွာကို ရင်ဆိုင်နေရပါတယ်။
