ရေဘေးသင့်ပြည်သူများအား ကြက်သားဒံပေါက် လှူဒါန်း
------------------------------
နေပြည်တော်ကောင်စီနယ်မြေက ရေဘေးသင့် ပြည်သူတွေကို ရွှေသံလွင် Group SKY NET နှင့် SHWE BANK မိသားစုတို့က စက်တင်ဘာ ၁၇ ရက်မှာ ကြက်သားဒံပေါက်များကို ချက်ပြုတ်လှူဒါန်းခဲ့ပါတယ်။
စက်တင်ဘာ ၁၇ ရက်၊ မနက်ပိုင်းမှာတော့ နေပြည်တော်ကောင်စီနယ်မြေ၊ တပ်ကုန်းမြို့နယ်က ကင်းသာရေဘေး ကယ်ဆယ်ရေး စခန်း၊ အမှတ်(၁၀၉) ခြေမြန်တပ်ရင်းမှာ ဖွင့်လှစ်ထားတဲ့ ရေဘေးကယ်ဆယ်ရေးစခန်း၊ ကပစ (၁) နဲ့ (၄) တို့မှာ ဖွင့်လှစ်ထားတဲ့ ရေဘေးကယ်ဆယ်ရေးစခန်းတွေရှိ ရေဘေးသင့်ပြည်သူတွေအတွက် ကြက်သား ဒံပေါက် (၁၅၅၀) ဘူး၊ ဇေယျာသီရိမြို့နယ်က ကျောက်ချက်ကျေးရွာ၊ ပျဉ်းမနားမြို့နယ်က ကူးတို့ဆိပ်ကျေးရွာနဲ့ ကြို့တန်း ကျေးရွာက ရေဘေးသင့်ပြည်သူတွေ အပါအဝင် လယ်ဝေးမြို့နယ်အတွင်းက သံမရဲကျေးရွာ စာသင် ကျောင်းနဲ့ ကွမ်းခြံကျေးရွာ စာသင်ကျောင်းတွေမှာရှိတဲ့ ရေဘေးသင့်ပြည်သူတွေကို ကြက်သား ဒံပေါက် (၄၅၀) ဘူး လှူဒါန်းခဲ့ပါတယ်။
ဆက်လက်ပြီး နေပြည်တော်ကောင်စီနယ်မြေအတွင်းရှိ ဆွမ်းလိုအပ်ချက်ရှိတဲ့ ဘုန်းကြီးကျောင်းတွေက သံဃာ တော်တွေအတွက် ကြက်သားဒံပေါက်ဘူး (၇၀၀)၊ ပုဗ္ဗသီရိမြို့နယ်အတွင်းရှိ ဝက်ကုန်းကျေးရွာက ရေဘေးသင့် ပြည်သူတွေအတွက် ကြက်သားဒံပေါက် (၃၄၅)ဘူး၊ အေးမြင့်သာယာ ကျေးရွာအတွင်းရှိ ရေဘေးသင့်ပြည်သူတွေ အတွက် ကြက်သားဒံပေါက် (၂၂၅)ဘူး၊ ကြံဖိုစုကျေးရွာ ရေဘေးသင့် ပြည်သူတွေအတွက် ကြက်သားဒံပေါက် (၃၅၀)ဘူး၊ ပျဉ်းမနားမြို့နယ် ကင်မွန်းတန်းကျေးရွာနဲ့ အနီးတစ်ဝိုက် ကျေးရွာတွေက ရေဘေးသင့်ပြည်သူတွေ အတွက် ကြက်သားဒံပေါက် (၈၈၀)ဘူး လှူဒါန်းခဲ့ပါတယ်။
လှူဒါန်းမှုအနေနဲ့ကတော့ မနက်ပိုင်းမှာ ကြက်သားဒံပေါက်ဘူးပေါင်း (၄၅၀၀) ချက်ပြုတ်လှူဒါန်းခဲ့တာဖြစ်ပြီး ညနေပိုင်းမှာလည်း ကြက်သားဒံပေါက်ဘူးပေါင်း (၅၅၀၀)ကို ချက်ပြုတ်လှူဒါန်းခဲ့တာပါ။ အခုလို လှူဒါန်းမှုတွေကို နေပြည်တော်အတွင်းရှိ ရေဘေးသင့်ပြည်သူတွေအတွက် စက်တင်ဘာ ၁၅ ရက်စပြီး နေ့စဉ် ထမင်းဘူးအရေ အတွက် (၁၀၀၀၀)ကို ချက်ပြုတ်လှူဒါန်းပေးနေတာဖြစ်ပါတယ်။
