ဩစတြီးယားတွင် ရေကြီးရေလျှံမှုဖြစ်ပွား
-------------------
ဩစတြီးယားနိုင်ငံက မြေနိမ့်ပိုင်း ဩစတြီးယားပြည်နယ်တစ်ခုလုံးကို မိုးသည်းထန်စွာ ရွာသွန်းမှုကြောင့် သဘာ၀ ဘေးသင့်ဒေသအဖြစ် တနင်္ဂနွေနေ့က ကြေညာလိုက်ပါတယ်။ မြို့တော် ဗီယင်နာကို ဖြတ်သန်းစီးဆင်းတဲ့ ဗီယန် မြစ်မှာလည်း ရေအမှတ်အမြင့်ဆုံးကို ရောက်ရှိနေတဲ့အတွက် မြေအောက် ရထားဘူတာနဲ့ ကားလမ်းတွေကို ပိတ်ထားပါတယ်။
ဒါ့အပြင် မြို့တော်တစ်ဝန်းက အဝေးပြေးလမ်းတွေနဲ့ ရထားလမ်းတွေကိုပါ ပိတ်ထားရပါတယ်။ လတ်တလောဖြစ် ပေါ်နေတဲ့ ရာသီဥတုအခြေအနေကြောင့် ပြည်သူတွေအနေနဲ့ တတ်နိုင်သမျှ နေအိမ်မှာနေကြဖို့ တာဝန်ရှိသူတွေ က ညွှန်ကြားထားသလို ကျောင်းနဲ့ ရုံးလုပ်ငန်းခွင်ကို မလာနိုင်ကြတဲ့ ဆရာ၊ ဆရာမတွေ၊ ကျောင်းသူကျောင်းသား တွေနဲ့ အလုပ်သမားတွေကို နားလည်မှုနဲ့ ခွင်ပြုပေးထားပါတယ်။ ဩစတြီးယား စစ်တပ်ဟာ ရေကြီးရေလျှံမှုတွေ ကို တုံ့ပြန်ဖို့အတွက် တပ်ဖွဲ့ဝင် ၂၄၀၀ ကို စေလွှတ်ထားကြောင်း ဩစတြီးယားဝန်ကြီး ချုပ် ကားလ် နီဟာမားက သူရဲ့ X လူမှုကွန်ရက်ပေါ်မှာ ရေးသားဖော်ပြထားပါတယ်။
