မြန်မာ့ပင်လယ်ပြင်ကိုအစောဆုံးအလင်းပြခဲ့သည့်
လေးရှင်းတောင်မီးပြတိုက် (စစ်တွေကမ်းလွန် Savage ကျွန်း)
***********************************
လေးရှင်းတောင်မီးပြတိုက်သည် မြန်မာ့ပင်လယ်ပြင်၏ အစောဆုံးမီးပြတိုက်များထဲမှ တစ်ခုဖြစ်ပြီး ၁၈၄၄ ခုနှစ်က စတင်တည်ကာ ၁၉၅၆ ခုနှစ်အထိ အသုံးပြုခဲ့သည်။ အမြင့် ၁၃၈ ပေ ရှိသည်။ ယခင်က မီးပြအလင်းရောင်ကို ၁၄ မိုင်ထိ မြင်နိုင်ခဲ့သည်။
တည်နေရာ
လေးရှင်းတောင်မီးပြတိုက်သည် ရခိုင်ပြည်နယ်၊ စစ်တွေမြို့မှ တောင်ဘက် နှစ်မိုင်အကွာရှိ ကုလားတန်မြစ်ဝရှိ ကျွန်းရိုင်း( Savage Island ) ခေါ် လေးရှင်းတောင်ကျွန်းပေါ်တွင် တည်ရှိသည်။ Savage Island ၏ ဧရိယာမှာ (၇.၁၂ )ဧကရှိသည်။ကျွန်းအရှေ့ဘက်တွင် မြေငူကျွန်း ရှိသည်။
သမိုင်းကြောင်း
အင်္ဂလိပ်- မြန်မာ ပထမစစ်ပွဲ အပြီး နှစ်(၂၀) အကြာ တွင် မီးပြတိုက် ကို တည်ဆောက်ခဲ့သည်။ ၁၈၄၄ ခုနှစ်တွင် တည်ဆောက်ခဲ့သော မီးပြတိုက်သည် မြန်မာ့ ပင်လယ်ပြင်၏ အစောဆုံး မီးပြတိုက်တစ်ခုလည်း ဖြစ်ခဲ့သည်။၂၀၂၄ ခုနှစ်တွင်သက်တမ်းနှစ်ပေါင်း(၁၈၀)ရှိပြီဖြစ်သည်။
