ဗောက်ထသူအတွက် အထူးအကြံပြုချက်
(၁) တပတ်ကို ၂-၃ကြိမ်ခန့်သာ ခေါင်းလျှော်ပါ။ နေ့စဉ်မလျှော်ပါနဲ့။ ခေါင်းလျှော်နေစဉ် ဦးရေပြားကို အတင်းကုပ်ခြစ်ကိုင်တွယ်တာမျိုး မလုပ်သင့်ဘူး။
(၂) ခေါင်းလျှော်ပြီးတဲ့အခါ hair gel တွေ၊ spray တွေ တတ်နိုင်သမျှ မသုံးပါနဲ့။ ခေါင်းကထွက်တဲ့ အဆီနဲ့ပေါင်းပြီး ဗောက်ကို ပိုဆိုးစေနိုင်တယ်။ အလားတူ ဆိုးဆေးနဲ့ ဆံပင်သန်ဆေး အသုံးပြုတဲ့အခါ သတိပြုရမယ်။
(၃) နေ့စဉ်ခေါင်းဖီးတာကောင်းတယ်။ ဘာ့ကြောင့်လဲဆိုတော့ ဦးရေပြားက ထွက်လာတဲ့ ဆဲလ်သေတွေ ဖယ်ရှားပစ်ဖို့ပါ။
(၄) စိတ်ဖိစီးမှုကလည်း ဗောက်ပိုထစေတယ်။ နေ့စဉ် အိပ်ရေးဝအောင်အိပ်ပါ။
(၅) ဗောက်ထသူတွေဟာ နေရောင်နဲ့ မကြာခဏ ထိတွေ့ ပေးတာ အကျိုးရှိတယ်။ ခရမ်းလွန်ရောင်ခြည်မှာပါတဲ့ UVA အမျိုးအစားက ဗောက်ကိုသက်သာစေတယ်။
(၆) အပြင်ထွက်တ်ုင်း ဦးထုပ်အမြဲဆောင်းတာ မကောင်းဘူး။ ထွက်တဲ့ခေါင်းချွေးက အစိုဓာတ်ဖြစ်ပြီး မှိုပိုးပေါက်ဖွားမှုကို အားပေးလို့ဖြစ်တယ်။
