အလွန်အကြူးဖြစ်သွားရင်
ဘယ်အရာမှ မကောင်းဘူးဆိုတာ တကယ်ပဲသိလား
နွေရာသီကာလတစ်လျှောက်
ပုံမှန်ထက်ပူပြင်းခဲ့တဲ့အပူချိန်ဟာ
လောင်ကျွမ်းမတက် ခံစားစေခဲ့တယ်မို့လား...
ပြင်ပရဲ့အပူရှိန်က စိတ်နှလုံးသားတွေအထိ
လာပြီးအပူဟပ်သလိုမျိုးပေါ့...။
နောက် မိုးရာသီရောက်ဖို့ မိုးကလေးပုံမှန်ရွာဖို့
အေးမြတဲ့ဓာတ်ကလေးရချင်လို့ ဒီလောက်ပဲ
ကိုယ်တို့က တောင့်တခဲ့ကြတယ်...
လူသားတွေခံစားနေရတဲ့ အပူရှိန်တွေလျော့ပြီး
အေးချမ်းသွားစေချင်တာလေ...
ဒါပေမယ့် ရာသီဥတုတွေဆိုတာ
ကိုယ်တို့ အစိုးမရနိုင်တဲ့အရာတွေမို့လား...။
အဲ့ဒီနောက်တော့ ရက်ရှည်လများရွာတဲ့မိုးတွေကို
ကိုယ်တို့မလိုချင်တော့ဘူး...
ပုံမှန်ထက် ရေတွေပြည့်လျှံလာတဲ့မိုးရေတွေလည်း
မလိုချင်တော့ဘူး...
မိုးရေတွေကနေ မျက်ရည်တွေအဖြစ်ပြောင်းသွားရတဲ့အခြေအနေတွေက သိပ်ကိုနာကျင်စရာပဲ...
မျက်ရည်တွေခြွေသလို အသက်တွေလည်းခြွေနိုင်တယ်လေ...
မိုးလေတွေကြားက ကွဲကွာသွားရတဲ့အသိုက်အမြုံလေးတွေ ဘယ်လောက်ထိများနေခဲ့ပြီလဲနော်...
ရာသီဥတုတွေဆိုတာလည်း
အလွန်အကြူးဖြစ်သွားရင် သိပ်ကြောက်စရာပါပဲ...။
#လုံးလုံးလေး
#ကမ္ဘာကြီးနေမကောင်းဘူး
