စိတ်ကို စင်စင်ကြယ်ကြယ် ထားပေမယ့်
အရောင် လာလာဆိုးကြပြန်တော့လည်း
သည်းခံစိတ်ကို နဂိုရှိတာထက်ပိုထားနိုင်ဖို့ကြိုးစားရမယ်။
ကြည်လင်သောအပြုံးနဲ့
လူတိုင်းကို ပြုံးပြနိုင်ဖို့ကြိုးစားနေသော်လည်း
သဘောကျစရာမကောင်းတဲ့ စိတ်ဓာတ်တွေကြောင့်ပဲ
ဟန်မဆောင်တတ်တဲ့ကိုယ့်အကျင့်ကိုလည်း ပြင်ရအုံးမယ်။
အရာရာကို အကောင်းမြင်တတ်ဖို့နဲ့
သည်းခံစိတ်ရှိဖို့ရန် အတွက်
ကြည်လင်သော နှလုံးသားနဲ့
မျှတသော စိတ်ထားကိုမွေးထားရသေးတယ်။
တစ်ခါတလေ ကိုယ့်ကိုယ်ကို စိတ်မာတယ်
ကြံ့ခိုင်ပါတယ်လို့ ဘယ်လိုပဲဆိုဆို
ကိုယ့်စိတ်ဓာတ်ကို
ရိုက်ချိုးခံလိုက်ရတဲ့အခါ
ခံစားရတာကတော့ အလူးအလဲပဲလေ။
လူတိုင်း လူတိုင်းမှာ
ဒဏ်ရာ ကိုယ်စီရှိနိုင်ကြသလို
ခံစားချက် အတိမ်အနက်ကို
စာဖွဲ့ မပြချင်ပေမယ့်လည်း
ခေါင်းမာတတ်တဲ့
ကိုယ့်အကျင့်ကတော့ပြင်မရဘူးလေ။
ထပ်တူမညီနိုင်မှန်း
သိနေပြီးတဲ့နောက်မှာတော့
ဘယ်သူနဲ့မှ ညှိမယူချင်တော့ဘူးလေ
ဒီတော့လည်း ဘာသိဘာသာပဲနေလိုက်တော့တယ်။
စိတ်ပင်ပန်းလာတိုင်း
အရင်လို ငိုင်တွေပြီးမနေတော့ပါဘူး။
တစ်ခါလေ
အားပါးတရ
ပြုံးလိုက်မိသေးတယ်
သဘောကျလို့တော့မဟုတ်ဘူး
လူတွေရဲ့စိတ်ကို ပိုမြင် တတ်လာလို့ပါ။
#ဘဝအတွက် #ဉာဏ #စာပေ #အသိပညာ #ဗဟုသုတ #သုတ
#sb
