Relationship တစ်ခုမှာ အပြန်အလှန် ပံ့ပိုးကူညီမှုပြသဖို့ လုပ်ဆောင်သင့်တဲ့အချက်များ
အပြန်အလှန် ပံ့ပိုးကူညီမှုတွေနဲ့ နားလည်မှုတွေရှိနေတဲ့ ဆက်ဆံရေးမျိုးဟာ ပြိုကွဲပျက်စီးဖို့ အတော်လေးခက်ခဲတာဖြစ်သလို rs တစ်ခုရဲ့ ပျော်ရွှင်နွေးထွေးမှုကိုလည်း အပြည့်အဝခံစားကြရတာ ဖြစ်ပါတယ်။ ဒီတော့ အပြန်အလှန်ပံ့ပိုးကူညီမှုတွေနဲ့ ကောင်းမွန်တဲ့ ဆက်ဆံရေးတစ်ခုကို တည်ဆောက်ဖို့ ဒီအချက်တွေက မရှိမဖြစ် လိုအပ်ပါတယ်။
- နားထောင်ပြီး ကိုယ်ချင်းစာပေးပါ
သူရင်ဖွင့်ချင်တဲ့အခါ၊ သူတစ်ခုခုပြောချင်တဲ့အခါ သေချာနားထောင်ပေးဖို့ကို မမေ့ပါနဲ့။ နောက်ပြီး တစ်စုံတစ်ခုခံစားနေရတဲ့ ကိုယ့်ချစ်သူအတွက် ကိုယ်ချင်းစာနာ နှစ်သိမ့်ပေးခြင်းက အပြန်အလှန် တစ်ယောက်နဲ့တစ်ယောက် ပံ့ပိုးကူညီမှုပြသခြင်းပဲ ဖြစ်ပါတယ်။
- စိတ်ရှည်သည်းခံမှုကို ပျိုးထောင်ပါ
စိတ်အဆင်မပြေမှုတစ်ခုခုဖြစ်တိုင်း ဒါမှမဟုတ် ပြဿနာတစ်ခုခုဖြစ်တိုင်း ထင်ရာစိုင်း ဖြေရှင်းတာမျိုးမဟုတ်ဘဲ တစ်ယောက်ရဲ့ခံစားချက်တွေကို တစ်ယောက်က ပိုနားလည်ပေးနိုင်ဖို့ စိတ်ရှည်သည်းခံမှုကို ပျိုးထောင်သင့်ပါတယ်။
- တစ်ယောက်နဲ့တစ်ယောက် ယုံကြည်ပါ
ယုံကြည်မှုဟာ ဆက်ဆံရေးတိုင်းမှာ အရမ်းအရမ်းကို အရေးပါတာဖြစ်လို့ ဘယ်လိုအခြေအနေမျိုးမှာပဲဖြစ်ဖြစ် တစ်ယောက်နဲ့တစ်ယောက် ယုံကြည်မှုမပျက်စီးပါစေနဲ့။ ယုံကြည်မှုတွေပျက်စီးသွားတဲ့အခါ ဆက်ဆံရေးတစ်ခုဟာ ရှေ့ဆက်သွားနေလည်း ဘာမှမထူးတော့ပါဘူး။ ဒါကြောင့် ယုံကြည်အောင်နေပါ၊ ယုံကြည်မှုကို တည်ဆောက်ပါ နောက်ပြီး တစ်ယောက်နဲ့တစ်ယောက် ယုံကြည်မှုပေးပါ။
- ဟာသဉာဏ်ကို ထိန်းထားပါ
ကောင်းမွန်ပြီး အပြန်အလှန်ပံ့ပိုးမှုတွေရှိနေတဲ့ ဆက်ဆံရေးတစ်ခုမှာ ဟာသဉာဏ်ဆိုတဲ့အရာကိုလည်း ထည့်သွင်းစေချင်ပါတယ်။ ပျော်ရွှင်မှုတွေကိုတည်ဆောက်ဖို့ ဟာသဆန်မှုတွေ လိုအပ်တာဖြစ်ပြီး တစ်ဖက်လူက စိတ်မပျော်တဲ့အခါ စိတ်ပျော်အောင်လုပ်ပေးတာကလည်း ပံ့ပိုးကူညီမှုတစ်မျိုးပါပဲ။
#foryouシ #စကားလက်ဆောသ် #တစ်ချို့ကသစ္စာနဲ့ #ဘဝမှာ
