တစ်ပူပေါ်တစ်ပူဆင့် အပူအဆင့်ဆင့်ပတ်ကာရံလို့ပဲဆိုရတော့မလားခင်ဗျာ

ရာဂီမုန်တိုင်းအကြွင်းအကြန်ဟာ မြန်မာပြည်ထဲဝင်ရောက်လာပြီး ကျိုးတုံတာချီလိတ်ကအစ ကလောအောင်ပန်း အလယ် မြစ်သားနေပြည်တော်အဆုံး မကြုံဖူးအောင် ရေကြီးနစ်မြှုပ်မှုတွေကြုံတွေ့နေရပါတယ်

လက်ရှိ ကင်းတားဆည် တပ်ကုန်းဆည်တွေလည်း စိုးရိမ်ရေအမှတ်ရောက်ရှိနေတာဖြစ်ပြီး မိုးရေကြောင့် အနီးနားကမြို့တွေရပ်ကွက်တွေပါမကျန် ရေဘေးကြောင့် ပိတ်ဆို့ကျပ်တည်းရေးတွေဖြစ်နေသလို မုန်တိုင်းက ရှေ့မှသည် အလယ်ပိုင်း အလယ်ပိုင်းကနေမှ မြန်မာနိုင်ငံအနောက်မြောက်ပိုင်း ချင်းပြည်နယ် ရခိုင်ပြည်နယ်တွေကိုဖြတ်မှာဖြစ်ပြီး နှစ်ရက်အတွင်းဒီဒေသတွေမှာ မိုးရွာဖို့ ရာနှုန်းပြည့်ခန့်မှန်းထားတာဖြစ်လို့ ရေကြီးဘေးဒုက္ခကို အင်မတန်ထည့်တွက်ထားသင့်ပါတယ်
ရေကြီးစဉ်အတွင်း လူများသည် ကုန်းပြင်မြင့်များသို့ ရှောင်တိမ်းသင့်သည်။ ရေကြီးစဉ်အတွင်း ဘေးပတ်လည်တွင် ရေများဝိုင်းနေသော်လည်း သောက်သုံးရန် မသင့်ပေ။ အကယ်၍ သောက်သုံးခဲ့ပါလျှင် ဝမ်းလျှောခြင်း၊ ဝမ်းပျက်ခြင်းတို့ ဖြစ်နိုင်သည်။
အရေးကြုံလာလျှင် ရပ်ရွာလူထုအတွက် အဆင်သင့်ဖြစ်နေစေရန် လူမှုရေးအဖွဲ့များအကူအညီဖြင့် အောက်ပါတို့ကို ကြိုတင်ပြင်ဆင်ထားရပါမည်။
ကြိုတင်ပြင်ဆင်နိုင်တဲ့အရာများကိုစုစည်းတင်ပြလိုက်ပါတယ်

(၁) ကုန်းမြင့်နေရာများကို ရွေးချယ်ကာ လူအများနေနိုင်ရေးအတွက် ကြိုတင်ပြင်ဆင်ထားပါ။
(၂) သောက်ရေ၊ ဆန်အိတ်၊ ဆီပုံး၊ ပဲအိတ်၊ ဆား၊ ငါးပိ၊ ငါးခြောက်စသည့် အစားအသောက်၊ အခြောက်အခြမ်းများကို စုဆောင်းကာ ထိုကုန်းမြင့်နေရာများတွင် လေလုံမိုးလုံအမိုးအကာလုပ်ကာ ထားပါ။
(၃) ပြည်သူများကိုလည်း မိုးလေဝသနောက်ဆုံးသတင်းများ အမြဲထုတ်ပြန်ကြေညာပေးပါ။ (၄) ရှေးဦးသူနာပြုသေတ္တာ၊ ဆေးဝါးများစုဆောင်းပြီး လိုအပ်လျှင် အဆင်သင့်ရနိုင်စေရန် ပြင်ဆင်ထားပါ။ (၅) ကယ်ဆယ်ရေးအဖွဲ့များဖွဲ့ပြီး တာဝန်များသတ်သတ်မှတ်မှတ်ပေးပါ။ ဥပမာ - ကလေးနှင့် လူကြီးသူမများ ကယ်ဆယ်ရေးအဖွဲ့၊ သဲအိတ်များ စုဆောင်းနေရာချထားရေးအဖွဲ့၊ အစားအသောက်စုဆောင်းရေးအဖွဲ့၊ တဲဆောက်လုပ်ရေးအဖွဲ့ အစရှိသဖြင့်။
(၆) ဤအဖွဲ့များကို တကယ်ရေကြီးလာလျှင် အဆင်သင့်ဖြစ်နေစေရန် ကြိုတင်လေ့ကျင့်မှုများ ပြုလုပ်ထားပါ။ ဥပမာ - တဲထိုးနည်း၊ ရှေးဦးသူနာပြုစုနည်း၊ လှေလှော်နည်း အစရှိသဖြင့်။
(၇) ရေလျှံလာလျှင် သုံးနိုင်ရန် လှေ၊ ၀ါးဖောင် စသည်တို့ အဆင်သင့် ပြုလုပ်ထားပါ။
(၈) ရေဘေးကြုံလာလျှင် စိတ်အားမငယ်ကြရန်၊ အထိတ်တလန့် မဖြစ်ကြရန် အားပေးရမည့်အစီအစဉ်များကိုလည်း စနစ်တကျပြင်ဆင်ထားပါ။
(၉) အခြားရွာ၊ အဖွဲ့များနှင့် အဆက်ပြတ်မနေစေရန် ဆက်သွယ်ရေး နည်းလမ်းများကိုလည်း ကြိုတင်ကြံဆထားပါ။

ကျွန်တော်တို့တွေအန္တရယ်အကင်းဆုံးကျော်ဖြတ်ကြပါမယ်။ ဘာမှမဖြစ်အောင်နေပါခင်ဗျာ။ တစ်နေ့ပြန်ဆုံကြမယ်

Thaye Gyi