"ညဘက်တွေမှာ ခေါင်းလျှော်တယ်ဆိုတာ မလုပ်သင့်တဲ့ အရာတစ်ခုပါ.."

ညဘက် ခေါင်းမလျှော်ပါနဲ့နော်။ 💆‍♀️

အလုပ်အချိန်တွေနဲ့မို့ ခေါင်းလျှော်တဲ့အခါ ညအိပ်ခါနီးမှ လျှော်ကြတာမျိုး လူတိုင်းနီးပါးလုပ်လေ့ရှိကြပါတယ်။ဒါပေမယ့် ညဘက်တွေ ခေါင်းလျှော်တာမျိုးကို ဆံပင်ရှည်ပြီး အခြောက်မမြန်တဲ့ အမျိုးသမီးတွေက ပိုလို့တောင်မလုပ်သင့်ပါဘူး။

ညဘက်ခေါင်းလျှော်တာက ကျန်းမာရေးအတွက် ဆိုးကျိုးရှိနိုင်မလား❓

ညဘက်ခေါင်းလျှော်ပြီး အိပ်ခြင်းကြောင့်ဖြစ်လာနိုင်တဲ့ ဆိုးကျိုးတွေကို မှတ်သားမိသလောက် အောက်ပါအတိုင်း အကြံပေးရင်းပြောပြချင်ပါတယ်။👇👇👇

💆‍♀️ဆံပင်မခြောက်ခင်အိပ်ရာမဝင်သင့်ပါဘူး။

မဖြစ်မနေ ညဘက်မှာ ခေါင်းလျှော်ရပြီဆိုရင်လည်း ခေါင်းကိုခြောက်အောင် အပူပေးပြီးမှ အိပ်သင့်ပါတယ်။တစ်ချို့ဆို ဆံပင်နည်းနည်းပါးပါး ခြောက်ပြီဆိုရင် အခြောက်ခံစက် (Hair dryer) ကို မသုံးဘဲ ရေစိုကြီးကို ရေမခြောက်တခြောက်နဲ့ပဲ အိပ်ရာဝင်တတ်ကြပါတယ်။ဒီအတိုင်း အိပ်လိုက်ကြတာက ပိုများပါတယ်။ အဲဒီလိုမျိုးတွေ လုံးဝမလုပ်သင့်ပါဘူး။

💆‍♀️ဘက်တီးရီးယားပေါက်ဖွားမှု နဲ့အတူ ဝက်ခြံထွက်စေနိုင်တာကို ဂရုစိုက်ပါ။

ခေါင်းတွေ ရေစိုနေတဲ့အတွက် ခေါင်းအုံးစွပ်နဲ့ ထိတွေ့မိပြီး ဘက်တီးရီးယားပေါက်ဖွားမှု ကတဆင့် မျက်နှာမှာ ဝက်ခြံတွေ ထွက်လာနိုင်ပါတယ်။ ဘက်တီးရီးယားတွေ ပေါက်ဖွားလာတဲ့အခါ အသက်ရှုလမ်းကြောင်းဆိုင်ရာရောဂါတွေလဲ ဝင်လာနိုင်တာမို့ ခေါင်းလျှော်ပြီးတဲ့အခါတိုင်း ဆံပင်ကို ရေခြောက်အောင် သုတ်တာအပြင် ခေါင်းအုံးစွပ်လဲဖို့ ကိုလဲမမေ့သင့်ပါဘူး။

💆‍♀️ဆံသားတွေမွဲခြောက်ပြီး ဗောက်နဲ့ ဦးရေပြားရောဂါတွေလဲ ဖြစ်စေနိုင်တယ်။

ဆံပင်ရေစိုကြီးနဲ့ အိပ်ရာဝင်လိုက်မယ် ဆိုရင် ဦးရေပြားမှာ ဗောက်တွေထလာနိုင်ပြီး ဆံပင်တွေကို အကွက်လိုက်ကျွတ်စေတဲ့ ဦးရေပြားဆိုင်ရာ ပြဿနာတွေနဲ့ အတူ ဆံသားတွေလဲ ကြွပ်ဆတ်ပြီး ခြောက်ဖွာလာနိုင်ပါတယ်။ ခေါင်းတွေ အကြောင်းအရင်း မရှိဘဲ ယားယံတာမျိုးလည်း ဖြစ်လာနိုင်ပါတယ်။ဒါကြောင့် ဗောက်ပြဿနာ၊ဆံပင်နဲ့ ဦးရေပြားဆိုင်ရာ ပြဿနာတွေ ဖြစ်မလာစေဖို့ ဆံပင်မခြောက်ခင် အိပ်ရာမဝင်ပါနဲ့။

💆‍♀️ခေါင်းကိုက်တာနဲ့ လေဖြတ်တာမျိုးတွေလဲ ဖြစ်တတ်ပါတယ်။

ဆံပင်မခြောက်ခင် အိပ်တာက ခေါင်းအုံတာ၊ ခေါင်းကိုက်တာတွေ ဖြစ်စေနိုင်ပါတယ်။ ဆံပင်နဲ့ ခန္ဓာကိုယ် အပူချိန်တို့ မမျှမတဖြစ်ပြီး ခေါင်းကိုက်တာကို ခံစားရနိုင်ပါတယ်။အခန့်မသင့်ရင် အပူငုပ်ပြီး လေဖြတ်တာမျိုးတွေအထိ ဖြစ်စေနိုင်ပါတယ်။

ဒါကြောင့် ကျန်းမာသန်စွမ်းပြီး လှပကြော့ရှင်းတဲ့ ဆံသားကို ပိုင်ဆိုင်ဖို့ဆိုရင် ညဘက် ခေါင်းမလျှော်တာကတော့ အကောင်းဆုံးပါပဲ။Myspace ရဲ့ချစ်ရသူတွေက အခန့်မသင့်လို့ ညဘက်လျှော်မိတယ်ဆိုရင်လည်း ဆံပင်မခြောက်ခင်မှာ အိပ်ရာဝင်တာမျိုး မလုပ်ပဲ ဆံပင်ကို သေချာခြောက်အောင် လုပ်ပြီးမှပဲ အိပ်စက်ကြပါလို့ ပြောကြားရင်း နိဂုံးချုပ်လိုက်ပါရစေခင်ဗျာ။

#myspaceadmin

#frankiestories

#healthgoals