ကြက်အချင်းတိုင်ချက်နည်း
==============
ကြက်အချင်းတိုင်လတ်လတ်ဆတ်ဆတ်လေးတွေ ကုန်အသစ်ဝင်တာနဲ့ အချင်းတိုင်ဆီပြန်ဟင်းလေးချက်စားဖြစ်ပါတယ်၊ မဆလာအနံ့မွှေးမွှေးလေးနဲ့ စားကောင်းနေရောနော်
ပါဝင်ပစ္စည်းများ
ကြက်အချင်းတိုင် ..၅၀သား
ကြက်သွန်နီ..၅လုံး
ကြက်သွန်ဖြူ.. အမွှာကြီး ၄မွှာ
ငရုပ်ပု...၂ကျပ်သား..အစေ့ထုတ်ပြီးသား
မြေပဲဆီ..၁၀သား
ဆား ....ထမင်းစားဇွန်းဝက်
နနွင်းမှုန့်.. သင့်ရုံ
မဆလာ...လက်ဖက်ဇွန်း ၂ဇွန်း
ပြုလုပ်ပုံ အဆင့်ဆင့်
ပထမဦးစွာ ကြက်အချင်တိုင် ကို ဆေးကြောသန့်စင်ပြီး၊ဆား ၊နနွင်း ၊ဟင်းခတ် ၊အရသာမှူန့်တို့ဖြင့်နယ်ထားပါ။
ငရုပ်ပုကိုရေစိမ်ပြီး ကြက်သွန်ဖြူ နီ ချင်း တို့နှင့်ညှက်နေအောင်ရောထောင်းထားပါ။
ချက်မည့်အိုးထဲ ဆီထည့်ကာ အပူပေးပြီး မဆလာ+ငရုပ်အနှစ်များထည့်ပါ။
မွှေးနေအောင်ဆီသတ်ပြီး ကြက်အချင်းတိုင် ထည့်ပါ။သမအောင်ကြော်ပြီး ရေသန့်အမြုပ်ထည့်ကာ အဖုံးအုပ်ပြီးဆီရေခမ်း ဆီပြန်သည်ထိထားပါ။
ဆီပြန်လာပါက မီးပိတ်သုံးဆောင်နိုင်ပါပြီ
