မတတ်နိုင်ခဲ့ခြင်းများစွာအတွက် ကြေကွဲဝမ်းနည်း
ရပါတယ်
အမှတ်တရတွေဆိုတာ ရင်ဘတ်ထဲထည့်သိမ်းရတာလား
မှတ်ဉာဏ်ထဲ သိုလှောင်ရတာလား
ဖျတ်ခနဲ့အတွေးတိုင်းမှာ သူ့အငွေ့အသက်တွေ
ပါနေတာ
ကိုယ် ဘဝတစ်ခုလုံး ဆုံးရှုံးခဲ့ပြီးဆိုမှ
သူ့အတွက်ရည်ရွယ်ထားတဲ့ ပန်းတွေပွင့်တယ်
သူနဲ့အတူတူပြေးလွှာခဲ့တဲ့ လမ်းတွေပြန်ရောက်တယ်
အတူတူကြည့်ခဲ့တဲ့ နေဝင်ချိန်တွေ သူသဘောကျတဲ့
အညိုရင့်တွေ
ဘယ်လိုရှင်သန်နိုင်မလဲလို့ တွေးခဲ့လည်း
ကိုယ့်နည်းကိုယ့်ဟန်နဲ့ သူ့ရှေ့ပြန်ရောက်သွားဖို့
သံသရာရဲ့ တစ်ပတ်ကိုစောင့်ခဲ့တယ်
အချစ်ဆိုတာ တစ်ခါပဲဖြစ်တာဆို
ကိုယ့်အချစ်က သူ့ပါးချိုင့်လေးထဲမှာအကြိမ်ကြိမ်
ဖြစ်နေတာ
တစ်စက္ကန့်မှလည်း မျက်ဝန်းကလေးတွေကို
မေ့မပစ်ခဲ့ပါဘဲ
အချစ်ရေ မတတ်နိုင်ခဲ့ခြင်းများစွာအတွက်ပေါ့
ဘဝတစ်ခုလုံးနဲ့ စောင့်နေခဲ့တယ်။
#ဇူခီ