အင်ဂျင်ဟိတက်တဲ့အခါ လုပ်ဆောင်ပေးရမည့်အချက်များ

~~~~~~~~~~~~~~~~~~~~~
▫️၁။ fan motor လည်မလည်အရင်စစ်ဆေးပါ။

ကားကို လမ်းဘေးခဏရပ်ပြီး စက်နှိုးလျက်သားရေတိုင်ကီထိပ်ကပန်ကာလည် မလည်ကြည့်ရမှာဖြစ်ပါတယ်။ မလည်ရင် မော်တာကိုသံ‌ချောင်းနဲ့ အနည်းငယ်ခေါက်ကြည့်ရမယ်၊ ဆော့ကဒ်တွေလွတ်နေရင်ပြန်စွပ်ပေးပါ။ ဝါယာပြတ်နေရင် ဆက်ပေးနိုင်ပါတယ်။

▫️၂။ ရေအယိုအစိမ့်ကို ပတ်ပတ်လည်စစ်ဆေးပါ။

ရေပိုက်အဆက်တွေ၊ ရေပြန်ဗူး၊ ရေလည်အုံနှင့် core plugတွေကနေ အများဆုံးယိုစိမ့်တတ်ပါတယ်။ အနည်းငယ်ယိုတာလောက်ဆိုရင် ရေထပ်ထပ်ဖြည့်ပြီး

မိုင်အနည်းငယ်ဆက်မောင်းသွားလို့ရပါတယ်။

▫️၃။ ရေပြန်ဗူး/ရေတိုင်ကီမှာ ရေလျော့မလျော့။

အင်ဂျင်ဟိတက်တဲ့အခါ ရေပြန်ဗူးကနေရေတွေအပြင်ကို လျှံကျသွားတတ်လို့ လိုအပ်ရင်ဖြည့်ပေးရပါမယ်။

အင်ဂျင်အေးသွားပီဆိုရင်တော့ ရေတိုင်ကီဖုံးဖွင့်ပြီးတော့ ရေပြည့်အောင်ထည့်ပေးရပါမယ်။ ပူနေတဲ့အချိန်မှာ ရေတိုင်ကီဖုံး မဖွင့်မိပါစေနဲ့။

▫️၅။ သာမိုစတက်ပွင့်မပွင့် အာရုံခံကြည့်ပါ။

စက်ရပ်ပြီးအင်ဂျင်အေးသွားတဲ့အထိစောင့်ပါ။ စက်နှိုးထားပြီးရေတိုင်ကီကနေ အင်ဂျင်နဲ့ဆက်သွယ်ထားတဲ့ရေပိုက်နှစ်ပိုက်ကို လက်နဲ့ကိုင်ကြည့်ပါ။

တစ်ပိုက်ကဖြည်းဖြည်းချင်းပူလာပါလိမ့်မယ်။

နောက်တစ်ပိုက်ကအတော်ကြာအောင်နှိုးထားပေမဲ့ နွေးရုံပဲနွေးတယ် ပူမလာဘူးဆိုရင်တော့ သာမိုစတက်မပွင့်လို့ ဟိတက်နေတာဖြစ်ပါတယ်။

လက်နက်ကိရိယာပါတယ်ဆိုရင် သာမိုစတက်ကို ဖြုတ်ပြီးပြန်‌မောင်းလို့ရပါပြီ။

▫️၆။ ရေတိုင်ကီ/အင်ဂျင် ကနေ လေချူကြည့်ပါ။

ရေသွားလမ်းကြောင်းများမှာ လေတွေတစ်ခံနေရင်လည်း ကောင်းစွာမလည်ပတ်နိုင်တဲ့အတွက် ဟိတက်ပါတယ်။

ရေတိုင်ကီထိပ်နှင့် အင်ဂျင်အပေါ်ပိုင်းမှာ လေချူခေါင်းလေးတွေကနေ ဖွင့်ထုတ်ပေးရမှာဖြစ်ပါတယ်။

အဲ့တာလေးတွေမပါရင်လည်း ရေတိုင်ကီဖုံးကနေပဲချူနိုင်ပါတယ်။

လမ်းမှာအရေးပေါ်ဖြစ်တဲ့အခါ ကားမောင်းသူကိုယ်တိုင် လုပ်ဆောင်လို့ရတဲ့ နည်းလမ်းလေးတွေပဲဖြစ်ပါတယ်။ ဘာကြောင့်ပဲ ဟိတက်ပါစေ ကြာကြာဆက်မမောင်းသင့်ပါဘူး။